१० चैत्र प्यूठानअनेरास्ववियू प्यूठानले कोरोना भाईरस COVID-19 को संक्रमणवाट जोगिन विभिन्न कार्यक्रमहरु सञ्चालन गरेको छ।
विश्वव्यापी रूपमा फैलिरहेको कोरोनावाट जोगिन मास्क वितरण, हात धुने सार्वजनिक स्थल निर्माण, वजार अनुगमनका लागि सरोकारवालाको ध्यानाकर्षण गराउने, सचेतना सम्वन्धि प्रचार सामाग्रि वितरण गर्ने लगायतका कार्यक्रम तय गरे विज्ञप्तीमार्फत जनाएको छ।
अनेरास्ववियू प्यूठानका संयोजक जाल वहादुर केसिको अध्यक्षता र केन्द्रीय सदस्य सुमनराज श्रेष्ठ र विनोद भण्डारीको आथित्यतामा वसेको वैठकले सचेतना, प्रचारप्रशार, सहयोग र ध्यानाकर्षणका कार्यक्रमहरु तय गरि सार्वजनिक गरेको हो।
संगठनले आज १३०० थान माक्स वितरण गरेको र भोलि थप ५०० माक्स वितरण गर्ने तयारी गरेको छ। वाग्दुलामा यात्रु र सर्वसाधारणलाई लक्षित गरि सावुन पानिले हात धुने स्थल वनाउने, कोरोनाका लक्षण र वच्ने उपाय सहितका सन्देसमुलक पर्चा र व्यानर छपाई गर्ने र अत्यावश्यक सामाग्रीको अभाव र कालोवजारी रोक्न जिल्ला प्रशासन कार्यालय र सरोकारवालाको ध्यानाकर्षण गराउने निर्णय भएको छ।
निशुल्क मास्क वितरण
प्युठान जिल्ला कमिटीले आज जिल्लाका मुख्य बजारहरु जुम्री, क्वाडि लगायतका स्थानहरुमा निशुल्क 1300 पिस मास्क बितरण गरेको छ। नगरप्रमुख अर्जुनकुमार कक्षपती र पब्लिक इङलिस बोडिङ स्कुलको सहयोगमा नगरक्षेत्रमा मास्क वितरण गरिएको हो। नगरप्रमुख कक्षपतिले अनेरास्ववियूका केन्द्रिय सदस्य सुमन श्रेष्ठ र बिनोद भण्डारीको उपस्थितिमा संगठनका संयोजक जाल बहादुर केसिलाई हस्तान्तरण गर्नुभएको हो। हस्तान्तरण लगत्तै अनेरास्ववियू प्युठानले सर्बसाधारणहरुलाइ निशुल्क मास्क बितरण गरेको हो।
