सरुमारानी गाउँपालिका वडा नं. १ बांगेशालमा दुई बालबालिका मृत अबस्थामा भेटिएका छन्। एकै घरका दुई बालबालिका मृत अवस्थामा भेटिएको जिल्ला प्रहरी कार्यालय प्यूठानले जनाएको छ। स्थानिय मंगले धामीका पाँच बर्षिय छोरी सिर्जना धामी र दुई बर्षिय गौरव धामीको मृत्यु भएको हो। दुबै शवलाई पोष्टमाटमका लागि जिल्ला अस्पताल बिजुवारको शवगृहमा राखिएको छ।
दुई बालबालिकाको आमा घरमै बस्दै आएको र बुवा बांगेशालमा काम गर्दै आईरहेको वडाअध्यक्ष मुकुन्दराज शर्माले बताउनुभयो। छिमेकिहरुको भनाईको आधारमा किम्बुको रुखमा चढेर किम्बु खाने,अण्डा ,मकैको रोटी सिन्की र भार खाएको फुड प्वाइजनका कारण मृत्यु भएको हुन सक्ने प्रहरीको अनुमान रहेको छ। घटना बारे प्रहरीले अनुसन्धान सुरु गरेको जिल्ला प्रहरी कार्यालयका प्रहरी निरिक्षक पोषणराज ढकालले जानकारी दिनुभयो।