३२ श्रावण, प्यूठानआर्थिक समस्याका कारण उपचार गराउन शंकर परियारको विषयमा सिखवर अनलाईन र लिस्ने जनससञ्चार साप्ताहिकमा समाचार प्रशासन भएपछी नेपाली जनसेवा संस्थाले मिडियाको कार्यलयमै पुगेर सहयोग रकम हस्तान्तरण गरेको छ।
शंकरको अबस्थाको बिषयमा समाचार पढे पछि प्यूठान नगरापालिका ८ प्यूठानमा रहेको नेपाली जनसेवा संस्थाले सहयोग गरेको हो। संस्थाका संस्थापक अध्यक्ष मिठ्ठु पुरीले बालकको बिचल्लीको खबरले आफुहरुलाई दुःखी बनाएको र उनलाई बचाउनको लागि सहयोग गरेको बताउनुभयो। कोरोना संक्रमणको समयमा नजिकैको बिद्यालयमा क्वारेन्टिनमा बसेकाहरुलाई संस्थाको तर्फबाट आफुहरुले निःशुल्क काम गरेको र त्यहिबाट बचाएको रकमबाट एघार हजार रुपैयाँ सहयोग गर्नुभएको छ।
संस्थाको टोली बिजुवार जुम्रीमा आई सिखवर अनलाईन र लिस्ने जनसञ्चार पत्रिकाको कार्यलयमा रकम हस्तान्तरण गरेको हो। संस्थाका अध्यक्ष मिठु पुरी , उपाध्यक्ष कृष्ण दसौति , सचिव तिलोचन थापा , सह सचिव भिष्म सुवेदी , कोषाध्यक्ष बिजय महतरा त्यस्तै सदस्यहरु मिठा महतरा, दुर्योधन सुवेदी, गंगा सिवभक्ति , बालाराम सुवेदी , जगत महतरा , बिजय बसेल , लंक बहादुर महतरा, इन्द्र बहादुर महतरा ,सञ्जय जि.सी र सुरज थापाले सहयोग गर्नुभएको हो।
