भारतिय सिमा सुरक्षा वल एस एस वी ले नेपाली नागरिकको हत्या (दार्चुलाको तुईन चुडाएको घटना)को विरोधमा विप्लव नेतृत्वको नेपाल कम्युनिष्ट पार्टीले विरोध कार्यक्रम गरेको छ। देशव्यापी कार्यक्रम अन्तरगत प्यूठान जिल्लाको मित्रमणी चोकमा पनि विरोध कार्यक्रम र कोणसभा गरिएको उक्त पार्टीका नेता हरि वस्नेतले जानकारी दिनुभएको छ।

एसएसवी ले तुईनवाट नदि पार गरिरहेको वेला उक्त तुईन चुडाईदिदा दार्चुलामा जयसिँह धामीको ज्यान गएको थियो। उक्त घटनालाई नेकपाले हत्या भनेको छ। सोही घटनाको विरुद्घमा विप्लव नेतृत्वको उक्त पार्टीले देशव्यापी विरोध र कोणसभा गरेको हो। मित्रमणी चोकमा आयोजित कोणसभालाई सम्बोधन गर्दै नेकपाका केन्द्रिय सदस्य तथा प्यूठान जिल्ला इन्चार्ज जागृतीले राष्ट्रियता, स्वाभिमान र मुलुकको हितको निम्ति आफ्नो पार्टी र आफुहरु बलिदान गर्न तयार रहेको तर जस्तोसुकै अवस्थामा पनि स्वाधीनताको आन्दोलन मा नझुक्ने वताउनु भयो।