२०७८ असौज ३नेपालकै सबैभन्दा जेठा कम्युनिस्ट नेता खगुलाल गुरुङको निधन भएको छ । १०४ वर्षीय गुरुङ आइतवार बिहान ७ बजे लुम्बिनि प्रादेशिक अस्ताल बुटवलमा उपचारका क्रममा निधन भएको हो । स्वासप्रस्वासमा समस्या देखिएपछी उनी थप उपचारका लागि प्यूठान अस्पतालबाट केहि दिनअघी बुटवल रिफर गरीएको थियो ।
गुरुङलाइ आइतवार दिउँसोसम्म प्यूठान ल्याइने नाति विकास गुरुङले जानकारी दिए । उनका अनुसार सोमवार नारीकोटमा गुरुङ परम्पराअनुसार दाह संस्कार गरीनेछ । विसं १९७५ साल भदौ २५ गते तत्कालीन बाग्लुङ जिल्लाको खरा (हाल गौमुखि गाउँपालिकाको रजवारामा ) जन्मेका गुरुङ नेपालका कम्युनिष्ट नेताहरुमध्ये उमेरमा सबैभन्दा पाका नेता हुन् । गुरुङ यहि भदौ २५ गते १०४ वर्ष पुगेका हुन् ।
विसं. २००७ सालको राणाविरोधी संघर्षका स्वतन्त्रता सेनानी गुरुङ नेपाल कम्युनिष्ट पार्टी प्युठानको स्थापना हुँदा २०१० साल मंसिरमा ७ जनामध्ये एक संस्थापक सदस्य हुन् । खगुलाल २०१५ सालको आम निर्वाचनमा ८३ नं क्षेत्रबाट नेपाल कम्युनिष्ट पार्टीको तर्फबाट उम्मेदवार थिए ।
प्युठानमा नेपाल कम्युनिष्ट पार्टीका संस्थापक सदस्य तथा मुक्ति सेनाका कमान्डर गुरुङ कम्युनिष्ट आन्दोलनका निष्ठावान नेताका रुपमा परिचित छन । उनकै नेतृत्वमा मुक्ति सेनाले सल्यान कब्जा गरेको थियो । त्यसैगरी प्युठानमा चलेको किसान आन्दोलनमा उनको महत्त्वपूर्ण भूमिका रहेको भनी चर्चामा थिए । संविधान दिवसका अवसरमा गतवर्ष लुम्बिनि प्रदेश सरकारले ‘प्रदेश प्रमुख जनसेवा पदक (ख) बाट गुरुङ सम्मानित भएका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
