झिमरुक गाउँपालीकाको सहयोग र नेपाल पत्रकार महासंघ जिल्ला शाखा प्यूठानको आयोजनामा सुचनाको हकको प्रचलन र प्रवद्र्धन सम्वन्धि अन्तरक्रिया कार्यक्रम झिमरुक गाँउपालीकाको कार्यलयमा सम्पन्न भएको छ।

सुचनाको हकसम्वन्धि नेपालको कानुनि व्यवस्था, त्यसको प्रचलन र प्रवद्र्धनसम्वन्धि भईरहेका प्रयत्न र महत्ववारेमा नेपाल पत्रकार महासंघका निवर्तमान अध्यक्ष गिरुप्रसाद भण्डारीले सहजिकरण गर्नुंभएको थियो।

कार्यक्रममा वोल्दै झिमरुक गाँउपालीकाका अध्यक्ष तिलक वहादुर जि.सी.ले जनताले सुचना मागेको खण्डमा यथासक्य छिटो र सहजतापुर्वक सुचना दिने प्रयत्न गरिएको वताउनु भयो। निवेदन दिएर आधिकारीक रुपमा सुचना माग गर्ने प्रचलन कम रहेको भन्दै जनताले मागेको खण्डमा सुचना उपलव्ध गराउने वताउनु भयो।

कार्यक्रममा सहभागिहरुले सुचनाको हकको कार्यन्वयन शुसासनको निम्ति महत्वपुर्ण रहेको र यसको प्रचारप्रसार टोल वस्तिसम्म गर्नुपर्ने वताए। सुचनाको हकसम्वन्धि सर्वसाधारण नागरिकलाई जानकारीनै नभएको उनिहरुको भनाई छ।

नेपाल पत्रकार महासंघका अध्यक्ष महाविर रानाले सुचनाको हकसम्वन्धि केहि अपवादका कुराहरुवाहेक सार्वजनिक निकायले सुचना लुकाउन नहुने वताउनु भयो। सार्वजनिक स्थानको सुचना नागरिकलाई सहज रुपमा उपलव्ध गराउन सकिएमात्र शुसासन कायम राख्न सकिने उहाँले वताउनु भयो।

अध्यक्ष महाविर रानाको अध्यक्षतामा सम्पन्न कार्यक्रमको सञ्चालन विजयसिंह भारतिले गर्नुभएको थियो। कार्यक्रममा स्थानिय तहका जनप्रतिनिधी, नागरीक समाज, पत्रकार लगायतको उपस्थिती रहेको थियो।