आगामी प्रतिनिधिसभा तथा प्रदेशसभा निर्वाचनलाई स्वच्छ, बनाउनको लागि सबै सरोकारवाला निकायहरुले निर्वाचन आचारसंहिता पालना गर्न पर्ने एक कार्यक्रममा बोल्ने बक्ताहरुले बताएका छन् । निर्वाचन शान्त,मर्यादित र भयरहित वातावरणमा सम्पन्न गराउन आचार संहितको पालना गर्न मुख्य निर्वाचन अधिकृतको कार्यालयले सबै पक्षलाई आग्रह गरेको छ ।

आज(बिहीबार) जिल्ला समन्वय समिति प्यूठानको सभाहलमा आचार संहिता विषयक अन्र्तक्रिया कार्यक्रममा मुख्य निर्वाचन अधिकृत देवप्रसाद योगीले उम्मेदवार, राजनीतिक दल, कर्मचारी, पत्रकारलाई निर्वाचन आयोगले जारी गरेको विभिन्न आचार संहिताको पालना गर्न आग्रह गरेका थिए । कार्यक्रममा प्रमुख जिल्ला अधिकारी सुनीता नेपाल, पत्रकार महासंघका अध्यक्ष सञ्जय रिजाल, जिल्लाका कृयाशिल राजनीति दलका प्रमुखहरु, स्थानीय तहका प्रमुख लगायतको सहभागिता थियो ।