१४ पुष २०७९
पठन जीवन मात्र नभएर बहुमुखी जीवन बनाउन आवश्यकता रहेको जिल्ला समन्वय समिति प्यूठानका प्रमुख धरम बहादुर जि.सीले बताएका छन् । प्यूठान नगरपालिकाले आयोजना गरेको तेस्रो अन्तर मा.बि स्तरिय राष्ट्रपति रनिङ्ग शिल्ड कार्यक्रममा बोल्दै उनले यस्तो बताएका हुन् । नारामा भनिए जस्तो स्वास्थ्यका लागि खेलकुद,राष्ट्रका लागि खेलकुद मात्र नभई अनुशासनको हिसाबले समेत महत्व मानिएकाले अनुशासन भएर खेल्न आग्रह गरे । जिल्ला, प्रदेश र राष्ट्र सँगै अन्तराष्ट्रिय स्तरमा समेत यस खेलबाट माथी पुग्न सकिने बताएका हुन् । शैक्षिक सुधारका कार्यक्रमहरु जिल्लाको स्थानीय तहहरुमध्ये प्यूठान नगरपालिका पहिलो भएको भन्दै जिल्लाको एउटा महत्वपूर्ण स्थानीय तह मानिएको समेत उनले बताए । खेलकुदका प्रत्येक बिधामा हिजोका दिनमा जिल्लाबाट प्रदेश र केन्द्र स्तरमा पठाउन नसक्दा यो जिल्ला पछि परेको भन्दै अव त्यो हुन नदिनका लागि खेलकुदका बिषयलाई चासोका साथ हेर्न अपिल गरे ।
त्यस्तै प्रमुख जिल्ला अधिकारी सुनिता नेपालले यो खेलकुदले नगर क्षेत्रलाई मात्र नभएर सिंगो जिल्लालाई पनि समेत्ने भन्दै यसलाई अझै सक्रिय रुपमा अगाडी बढाउन आग्रह गरेका छन् । यो खेलबाट अन्तराष्ट्रिय स्तरमा समेत पुग्न सकिने भएकाले खेलमा अनुशासित भएर खेल्नुपर्ने बताउनुभयो ।
उदघाटन कार्यक्रमलाई समापन गर्दै प्यूठान नगरपालिका नगर प्रमुख बिष्णु योगिले खेलमा आत्मसम्मान र अनुशासित भएर अगाडी बढ्न सके खेलकुदमा उत्कृष्ट हुन सकिने बताएका हुन् । राष्ट्रिय र अन्तराष्ट्रिय स्तरको खेलाडी उत्पादन गर्नको लागि यो कार्यक्रम सञ्चालन गरिएको उनले बताए । खेलाडीहरुले खेलले देखाउन खोजेको भावलाई बुझ्न जरुरी रहेको भन्दै यो कार्यक्रमले एकजना उत्कृष्ट खेलाडी, एउटा उत्कृष्ट बिद्यालय र नमुना बिद्यालय बनाउन सहयोग पुग्ने बताएका हुन् ।
कार्यक्रममा एथलेटिक्स, फिल्ड उफ्रने र फ्याक्ने तर्फ लङ्गजम्प, हाईजम्प, त्रिपलजम्प, सटपुट थ्रो, ज्याभलिङ थ्रो, रिले दौड, कवडडी, कराते र भलिबल रहेको छ । सो कार्र्यक्रम १४ गते देखी १६ सम्म सञ्चालन हुने बताइएको छ । नगरपालिका भित्र रहेको ११ बिद्यालय सहभागि भएका छन् ।
बिद्यालयका टिम क्याप्टेनलाई शपथ दिदै
निर्णायकहरुलाई शपथ
