गौमुखी गाउँपालिकाको प्रथम चौमासिक सार्वजनिक सुनुवाई कार्यक्रम बुधबार सम्पन्न भएको छ । गाउँपालिकाको आर्थिक बर्ष २०७९/८० को प्रथम चौमासिक सार्बजनिक सुनुवाइ कार्यक्रम गौमुखी गाउँपालिकाको आयोजना तथा नेपाल पत्रकार महासंघ जिल्ला शाखा प्युठानको सहजीकरणमा सम्पन्न भएको हो । सो सार्बजनिक सुनाइमा सेवा प्रदायक र सेवाग्राही बिच सुशासन, पार्दर्शी, जबाफ देहिता र गुनासो विषयलाई बढि प्राथमिकता दिएको थियो । सहभागीहरुले सेवाग्राहीहरुले पाउनु पर्ने सेवा सुबिधा छिटो छरिटो तथा सेवग्राहिको काम समयमा हुनुपर्ने लगायतका कुरामा जोड दिएका हुन् ।

कार्यक्रममा बोल्दै गाउँपालिका अध्यक्ष बिष्णु कुमार गिरी, गाउँपालिका उपाध्यक्ष महाविर रानाले गाउँपालिकाको समग्र विकासका लागि अभिप्रेरित हुने बताउनुभएको छ । सल्लाह तथा सुझावहरु गाउँपालिकाले आगामी दिनमा मनन गर्दै जाने समेत बताउनुभएको हो । सुझाव र प्रश्नको जवाफ दिदै सहजीकरण गर्ने निकाय नेपाल पत्रकार महासंघ जिल्ला शाखा प्युठानलाई गाउँपालिकाले धन्यवाद पनि दिएको छ ।

गाउँ पालिका अध्यक्ष बिष्णु कुमार गिरिको अध्यता, नेपाल पत्रकार महासंघ जिल्ला शाखा प्यूठानका सचिव प्रज्वोल पहाडीको सन्चालन तथा पालिका उपाध्यक्ष महाबिर रानाको स्वागत मनतब्यमा संचालन भएको हो । सो कार्यक्रममा सार्बजनिक सुनुवाइको महत्वको बारेमा महासङ्घ प्युठानका अध्यक्ष सन्जय रिजालले प्रकाश पार्नु भएको थियो भने प्रमुख प्रशासकीय अधिकृत खुम बहादुर घर्तिले सार्बजनिक सुनुवाइ प्रतिबेदन पेश गर्नु भएको थियो । कार्यक्रममा राजनैतिक दलका प्रतिनिधि ज्ञामुराम न्यौपाने, रमेश राना, टुक बहादुर के सी, मधुराम के.सी, र नेपाल पत्रकार महासंघ प्युठानका अध्यक्ष सन्जय रिजालले मन्तव्य राखेका थिए ।