पछिल्लो समय सामाजिक सुरक्षा भत्ताहरु गाउँमै वितरण हुन थालेको छ । सरकारले अशक्त, अपाङ्ग तथा बृद्धबृद्धाहरुलाई दिदै आएको सुरक्षा भत्ता पहिले राज्यबाट दिदै आएकोमा हिजोआज वडाबाटैै वितरण गर्न लागिएको हो । सोही अनुसार प्यूठान नगरपालिका वडा नं ६ माझकोटले अबदेखी वडा बाट नै सुरक्षाका भत्ताहरु वितरण गर्ने भएको छ । अशक्त अपाङ्ग तथा बृद्धबृद्धाहरुलाई बैंक मार्फत लिदा झन्झटिलो र गा¥हो हुने भएकाले वडा बाट नै दिन थालिएको वडा नं ६ का वडा अध्यक्ष नरेन्द्र पुन मगरले जानकारी दिए । गाउँबाट बजार झर्दा समय लाग्नुको साथसाथै धेरै मात्रामा पैसा फजुल खर्च हुने भएको हुँदा त्यसलाई नै मध्यनजर गर्दै वडाबाट दिन थालिएको अध्यक्ष पुनले बताए । आ.व २०७९÷८० को दोस्रो त्रैमासिक को सामाजिक सुरक्षा शुक्रबार ६ गते वितरण गर्न लागिएको हो ।