प्यूठानका स्थानीय तहका कर्मचारी बीच मैत्रिपूर्ण फुटवल प्रतियोगिता हुने भएको छ । प्यूठान नगरपालिकाको आयोजनामा हुन लागेको प्रतियोगितामा जिल्लाका ९ वटा स्थानीय तह मध्ये स्वर्गद्वारी नगरपालिका बाहेक ८ स्थानीय तहले प्रतिष्पर्धामा भाग लिन लागेका छन् ।

शनिबार (भोलि) विहान १० वजेबाट प्यूठान नगरपालिका ४ स्थित गणतान्त्रीक खेलकुद मैदानमा सुरुहुने खेलमा प्यूठान नगरपालिका र ऐरावती गाउँपालिका, नौबहिनी र झिमरुक ,गौमुखी र मल्लरानी, सरुमारानी र माण्डवी गाउँपालिका बीच पहिलो चरणमा प्रतिस्पर्धा हुने आयोजकलले जनाएको छ ।

प्रतियोगिताको अावश्यक तयारी पूरा भइसकेको प्यूठान नगरपालीकाका सहायक कप्तान माधब गिरीले जानकारी दिए ।