प्यूठानमा स्थानीय तहका कर्मचारी बीच मैत्रिपूर्ण फुटवल प्रतियोगिता आजबाट सुरु भएको छ । प्यूठान नगरपालिकाको आयोजनामा सुरु भएकोे प्रतियोगितामा जिल्लाका ९ वटा स्थानीय तह मध्ये स्वर्गद्वारी नगरपालिका बाहेक ८ स्थानीय तहले प्रतिष्पर्धामा भाग लिएका छन् । शनिबार विहान १० वजेबाट प्यूठान नगरपालिका ४ स्थित गणतान्त्रीक खेलकुद मैदानमा खेल सुरु भएको हो । खेलमा प्यूठान नगरपालिका र ऐरावती गाउँपालिका, नौबहिनी र झिमरुक ,गौमुखी र मल्लरानी, सरुमारानी र माण्डवी गाउँपालिका बीच पहिलो चरणमा प्रतिस्पर्धा भएको छ ।

पहिलो चरणको खेलमा प्यूठान नगरपालिकाले ऐरावती गाउँपालिकालाई ३.१ को गोलले पराजित गरेको छ । गौमुखी गाउँपालिकाले २.० को गोलले मल्लरानी गाउँपालिकालाई पराजित गरेको छ भने त्यस्तै सरुमारानी र माण्डवी गाउँपालिका बिच भएको खेलमा सरुमारानी ले २ गोल गर्दै सेमिफाइनलमा पुगेको हो । नौबहिनी गाउँपालिका र झिमरुक गाउँपालिका बिच भएको खेलमा नौबहिनी गाउँपालिकाले ३.० ले पराजित गरेको छ । यी ४ गाउँपालिकाको खेल आइतबार बिहान १० बजे चिटठा टिपेर खेलाइने प्यूठान नगरपालिका सहायक कप्तान माधब गिरीले जानकारी दिए ।