प्यूठानमा भएको कर्मचारीविच मैत्रिपुर्ण फुटबल प्रतियोगितामा गौमुखी गाउँपालिका विजयी भएको छ । आइतबार भएको फाइनल खेलमा गौमुखी गाउँपालिकाले २.० गोलले सरुमारानी गाउँपालिकालाई पराजित गर्दै बिजयी भएको हो ।

खेलको ३९ औ मिनेटमा १ गोल गर्दै गौमुखीले आफुलाई अब्बल बनायो । ६६ औ मिनेटको पेनाल्टीको मौकामा फेरी गौमुखीले १ गोल जोड्दै अग्रता कायम नै उसको जित भयो । बिजेटा टिमले रु ३० हजार मेडल, कप र प्रमाणपत्र, उपबिजेताले २० हजार मेडल, कप र प्रमाणपत्र पाएका छन् भने सेमिफाइनलमा पुगेका नौबहिनी गाउँपालिका र प्यूठान नगरपालिकाले पनि ५ हजार र प्रमाणपत्र पाएका हुन् ।

प्यूठान नगरपालिका ४ स्थित गणतान्त्रीक खेलकुद मैदान बिजुवारमा शनिबार देखी सुरु भएको फुटबल प्रतियोगिता आइतबार सकिएको छ । प्यूठान नगरपालिकाको आयोजनामा सुरु भएकोे प्रतियोगितामा जिल्लाका ९ वटा स्थानीय तह मध्ये स्वर्गद्वारी नगरपालिका बाहेक अन्य ८ स्थानीय तहले प्रतिष्पर्धामा भाग लिएका थिए ।

जिल्लामा रहेको कर्मचारीहरुको मेलमिला तथा मित्रवत सम्बन्ध बढाउने उदश्यले कार्यक्रम सञ्चानलन गरिएको प्यूठान नगरपालिका सहायक कप्तान माधब गिरीले जानकारी दिए । साथै यस्तो कार्यक्रम जिल्लामा यो भन्दा अघिका दिनमा नभएको भन्दै हाल भएको कार्यक्रम गौरवको कुरा भएको समेत उनले बताए । त्यस्तै उनले अहिले पूर्ण रुपमा व्यवस्थित हुन नसकेको जानकारी गराउँदै आगामी दिनमा अझ व्यवस्थित ढङ्गले कार्यक्रम सञ्चालन गर्ने पनि बताएका छन् ।

    विजेता गौमुखी गाउँपालिका

   उपविजेता सरुमारानी गाउँपालिका