माण्डवी गाउँपालिका प्युठानको आयोजनामा सोमबारदेखि शुरु भएको प्रथम रास्ट्रपति रनिङ शिल्ड प्रतियोगिता बुधबार माण्डवी ३ मार्सिबाङ खेलकुद मैदानमा सम्पन्न भएको छ । रनिङ शिल्ड प्रतियोगितामा प्रथम माण्डवी मा।वि नयागाउ, दोस्रो गणेश मा।वि तिराम, तेस्रो कामाक्षी मा।वि उदयपुरकोट भएको छ । समापन कार्यक्रममा प्रमुखा अतिथी संविधान सभा सदस्य नारायण प्रसाद अधिकारीले बिजय खेलाडीहरुलाई बधाई दिदै मानव चेतनाको बिकासको लागि खेलकुद महत्त्वपूर्ण रहेको बताएका छन्। कार्यक्रममा माण्डवी गाउँपालिका अध्यक्ष नमराज अधिकारी ९रोसनले खेलाडी सधै अनुशासित भएर अगाडी बढनु पर्ने बताउदै बर्दी बिनाको सिपाही भनेको खेलाडी भएको बताए ।

माण्डवी गाउँपालिका शिक्षा शाखा प्रमुख तुलसा कार्किले संचालन गर्नु भएको कार्यक्रममा प्रमुख अतिथि संविधान शभा सदस्य नारायण प्रसाद अधिकारी,गाउँपालिका अध्यक्ष नमराज अधिकारी रोसन,उपाध्यक्ष पुर्ण प्रसाद कालाथोकी,ईलाका प्रशासन जस्पुरका प्रमुख बाबुराम पुरी,गाउँपालिकाका प्रमुख प्राशासकीय प्रकाश पाण्डे,माण्डवी गाउँपालिका वडा नं १ का अध्यक्ष बाम बहादुर बुढा, वडा नं २ का अध्यक्ष प्रकाश वलि, वडा नं ३ का अध्यक्ष धनेन्द्र कार्कि, वडा नं ४ का अध्यक्ष डिल बहादुर घर्ती, गाउँपालिका प्रबक्ता जितामित्र सुनार, कार्यपालिका सदस्य बालिका नेपालीले खेलमा बिजय प्राप्त खेलाडीहरु, रेफ्ररी र एम्पाएर, बिधालयका खेलकुद शिक्षकहरुलाइ शिल्ड, प्रमाणपत्र र मेडल प्रदान गरे । खेलकुदमा माण्डवी गाउँपालिका माध्यमिक तहका ५ बिधालयका प्रतियोगीहरुको सहभागिता रहेको थियो ।