२०७९ चैत्र २१पर्यटकीय सम्भावना बोकेको बुकिडाँडामा अहिले चहलपहल बढ्दै गएको छ । पूर्वी प्यूठानको मल्लरानी गाउँपालिका ३ मा पर्ने बुकिडाँडा अहिले पर्यटकको आकर्षणको केन्द्र बन्दै गएको छ । बुकिडाँडामा पर्यटकीय पूर्वाधारको लागि स्थानीयले पहल थालेका छन् ।
समुन्द्रिक सतहदेखि झन्डै १८ सय मिटर उचाइमा रहेको यो ठाउबाट प्यूठानको ७५ प्रतिसत भूभाग अबलोकन गर्न सकिन्छ । यहाँबाट सुन्दर हिम शृङ्खला समेत देखिन्छ । जनजातीहरुको बाहुल्यता रहेको बुकेनिको गाउँ बुकिडाँडाको नजिकै पर्छ । सदरमुकाम खलंगाबाट गाडिमा ३० मिनेटमा बुकिडाँडा पुग्न सकिन्छ ।
बुकिडाँडाको प्रचार प्रसार र पर्यटन प्रबर्द्धन गर्ने उदेश्यले बुकिडाडामा शनिबार बनभोज कार्यक्रमको आयोजना गरिएको थियो । सोहिदिन करिब २ सय जना मानिसहरुले बुकिडाडाको अबलोकन गरेको स्थानीय नारायण पुनले बताए ।
बुकिडाँडाको नजिकै अहिले डबल लेनको सडक पुगेको छ । सडक कालोपत्रे गर्ने चरणमा छ । फुर्सदको समयमा गर्मी छल्नको लागि मानिसहरु बुकिडाँडामा पुग्ने स्थानीय बताउछन् ।
स्थानीयको नेतृत्वमा बुकिडाँडामा खरले छायको प्रतिक्षालय निर्माण गरिएको छ । फराकिलो भूभागमा फैलिएको सधै सिर्रिर बतास चल्ने बुकिडाँडामा स्थानीयले मोटरको माध्यमबाट पिउने पानी लगेका छन । बुकिडाँडाको तल्लो भागमा रातो लागिगुरास फुल्ने गर्छन । मानिसहरु तिनै फुलहरु हेरेर भुल्ने गर्छन ।
बुकिडाँडाको टापुपा स्थानीयले राष्ट्रिय झण्डा गाडेका छन् । अग्लो ठाउँमा निरन्तर फहराइरहने झण्डा पनि त्याहाँ पुग्नेकहरुको अकर्षणको दृष्य वनेको छ ।
बुकिडाडाँलाइ पर्यटकीय स्थलको रुपमा विकास गर्नेगरी वडाले पर्यटकीय पूर्वाधार निर्माणको योजना बनाउने मल्लरानी ३ का वडा अध्यक्ष नोमराज पौडेलले बताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
