२०७९ चैत्र २५ प्यूठानमल्लरानी पर्यटन प्रवद्धनका लागि सञ्चालन गरिएको दौड प्रतियोगितामा आज भएको छ ।
आज भएको प्रतियोगितामा नौबहिनी गाउँपालिका १ स्याउँलिबाङका रेम बुढा मगर पहिलो स्थान हुन सफल भएका छन् ।
खलगांको टुडिखेलबाट मल्लरानीको डाडाँसम्म ५ किलोमिटरको दुरिमा उनले करिब २८ मिनेटको अवधिमा पार गरेका हुन् ।
दोस्रो स्थानमा पनि स्याउलिबाङकै अर्का दामोदर बुढा मगर र तेस्रोमा खलगांका रमेश शाही रहे ।
महिला तर्फ झिमरुक गाउँपालकाकी सकुन्तला सुनारले ६८ मिनेटमा दुरी पार गरिन् ।
प्रथम,द्धितीय, तृतीय हुनेलाई क्रमश १५ हजार, १० हजार र ५ हजार रहेको छ भने महिला तर्फबाट पहिलो हुन सफल भएकी सुनारलाई पनि सान्त्वना पुरस्कारको रुपमा ५ हजार प्रदान गर्ने दौड प्रतियोगिताका संयोजक निर्मलदास नकर्मीले बताए ।
पुरस्कारको लागि प्यूठान काठमाडौं नेवा समाज र स्वर्गद्धारी महाप्रभु बचत तथा ऋण सहकारी संस्था मार्फत रहेको छ ।
प्रतियोगिताको लागि ६५ जनाले आफ्नो नाम दर्ता गराए पनि समयमा उपस्थित हुन नसक्दा ८ महिला सहित ४४ जना मात्र दौड प्रतियोगितामा सामेल भएको प्रतियोगिताका संयोजक नकर्मीले जानकारी दिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
