माण्डवी गाउँपालिकाको आर्थिक सहयोग तथा जिल्ला रेडक्रस सोसाइटीको सहकार्य र नेपाल स्वयंसेवी रक्तदाता समाजको आयोजनामा बिश्व रक्तदान दिवस माण्डवी गाउँपालिकामा मनाईएको छ । बुधबार भएको  रक्तदान कार्यक्रममा ४३ जनाले रक्तदान गरेका थिए ।

४३ पोका रगत संकलन गरी नेपाल रेडक्रस सोसाइटी रक्तसञ्चार केन्द्र रुपन्देहीमा पठाइएको स्वयंसेवी रक्तदान समाज प्यूठानका कोषाध्यक्ष मनु लामाले जानकारी दिए ।

नेपाल स्वयंसेवी रक्तदाता समाज प्यूठानका अध्यक्ष प्रल्हादभक्त श्रेष्ठको अध्यक्षतामा भएको कार्यक्रममा माण्डवी गाउँपालिकाका अध्यक्ष नवराज अधिकारी (रोशन), गाउँपालिकाका प्रमुख प्रशासकिय अधिकृत प्रकाश पाण्डे, प्रशासन शाखाका अधिकृत बलराम पौडेल लगायतकाे सहभागिता रहेको थियो ।

स्वस्थ रगत, सबैको रगत भन्ने मुल नाराका साथ सञ्चालन गरिएको बृहत् रक्तदान कार्यक्रममा रक्त सञ्चार केन्द्र रुपन्देहीका प्राविधिक टोलीको सहभागिता रहेको थियो । रक्तदान गर्ने सबै रक्तदातालाई रक्तदान स्थलमै प्रमाणपत्र प्रदान गरीएकाे कोषाध्यक्ष लामाले जानकारी दिए ।