News Portal

रेडियो सुन्नुहोस्

कोटघरको अनुहार फेरिदै, नगर उप-प्रमूखबाट नवनिर्मित गेट उद्घाटन

घनश्याम अस्तित्व प्यूठान कार्तिक, ०५
८०८ पटक
प्यूठान कार्तिक, ०५

पूर्वमा गेट, दक्षिणमा भान्साघर, ढोका अघि मौला, बलि दिने ठाउँ सेरोफेरोमा पर्खाल साथै रेलिड़ र मन्दिर परिसर छेंउछाउमा पर्खाल निर्माण कार्यसंगै स्वर्गद्वारी नगरपालिका वडा न. ५ उपल्लो सारीमा अबस्थित कोटघर मन्दिरको अनुहार बदलिँदै जान थालेको छ ।
मन्दिरको पूर्वपट्टी नवनिर्मित गेटले मन्दिरको सुन्दरता निकै बढाएको छ ।

विकासको लागि सधै राज्यको मुख मात्रै ताक्नु हुँदैन भन्ने भावनाबाट उत्प्रेरित भएर उक्त गेटको निर्माण खर्च जिम्मा आफूले लिएको ओबिराम पौडेलले बताउनु भयो । बैदेशिक रोजगारीको शिलशिलामा बिदेशमा बस्नुहुने उहाँले आफ्नो बुवाआमा मोहनलाल पौडेल र बसन्ती पौडेलको नाममा गेट निर्माण गरिएको कुरा गेटमा निर्मित शिलालेखमा उल्लेख छ ।

गेट निर्माण पश्चात आफूमा सामाजिक कार्यप्रतिको भावना झन् बलियो भएको ओबिराम पौडेलले बताउनु भयो । महानवमीको अवसरमा बिशेष मेला लाग्ने यस मन्दिरमा उक्त दिनमै नगरपालिका उपप्रमूख गोमा रेग्मीले नवनिर्मित गेटको उदघाटन गर्नुभएको हो ।
घटस्थापनादेखि दशमीसम्म पुजाआजा चल्ने यस मन्दिरमा पकाउन खान बस्नको निकै समस्या रहिरहेको थियो ।

अब आउँदो बर्षबाट यो समस्या पनि सुल्झिने भएको छ । साबिकको सारी गाबिस वडा न. १ निवासी प्रशान्त भण्डारी र खिमप्रसाद भण्डारीले बुवाआमाको सम्झनामा आफ्नो खर्चमा भान्साघरको निर्माण सम्पन्न गर्नुभएको छ । सोही क्रममा मन्दिर ढोका अघि मौलो गाडिने एवं बलिदिने स्थान वरपर पर्खाल तथा रेलिड़को खर्च जिम्मा स्व. बुवा गिरीराज भण्डारी,आमा कुमारीदेवी भण्डारीको सम्झना एवं सम्मानमा तीन भाई छोराहरू गंगाराम, गोकर्ण र चोपप्रसाद भण्डारीले लिनुभएको छ ।

नवमी को दिनमा बिशेष मेलाको अवसरमा उपस्थित भक्तजनहरूको स्वेच्छिक सहयोगबाट करिब दुई लाख जम्मा भएको मन्दिर ब्यबस्थापन समितिका सदस्य प्रशान्त भण्डारीले बताउनु भयो । र साथै घटस्थापनादेखि दशमीदिन अबधिभर हुने पूजा खर्च को जिम्मा स्वर्गद्वारी नगर पालिका वडा न. ५ का अध्यक्ष हिरामणी भण्डारीले लिने प्रतिबद्धता ब्यक्त गर्नुभएको कुरा समिति सदस्य प्रशान्त भण्डारीले बताउनु भयो । महानवमीको दिनमा लाग्ने मेला एवं सराय नाँच तथा पुजाआजामा सरिक हुन रोल्पा, बाँके, बर्दिया, दाड़ र रूपन्देहीबाट पनि भक्तालुहरूको उपस्थिति रहन्छ ।

प्रतिकृया दिनुहोस्

माग पूरा नभएको भन्दै शिक्षा शाखामा तालाबन्दी

नेपाल विद्यार्थी संघ प्यूठानले प्यूठान नगरपालिकामा तालाबन्दी गरेको छ । बुधबार नेविसंघले प्यूठान नगरपालिकाको शिक्षा...

प्यूठानमा भिरबाट लडेर एकजना पुरुषको ज्यान गयो

प्यूठानमा भिरबाट लडेर एकजना पुरुषको ज्यान गएको छ । माण्डवी गाउँपालिका २ मर्कावाङका ६० बर्षिय...

माछा मार्न खोलामा गएका एक पुरुषको डुबेर मृत्यु

प्यूठानमा माछा मार्ने क्रममा खोलामा डुबेर एक जना पुरुषको मृत्यु भएको छ । सोमवार साँझ...

पुर्नउत्पादनमुखी कृषि तथा सुरक्षित खाद्य उत्पादन सम्बन्धि अभिमुखिकरण तालिम

पुर्नउत्पादनमुखी कृषि तथा सुरक्षित खाद्य उत्पादन सम्बन्धि अभिमुखिकरण तालिम बरौलामा भएको छ । सोमबार ऐरावती...

पुर्व प्रधानमन्त्री केपी शर्मा ओली प्यूठान आउने कार्यक्रम स्थगित

मौसम प्रतिकुलताका कारण पुर्व प्रधानमन्त्री केपी शर्मा ओली प्यूठान आउने कार्यक्रम स्थगित गरिएको छ ।...