गयराती परेको अविरल वर्षाका कारण प्यूठान नगरपालिका ५ स्थित चान्जाको बैकल्पिक वाल विकास केन्द्रको भवन जोखिममा परेको छ । माथि र तलबाट आएको पहिरोले विद्यालयको शौचालय भत्किएको छ ।

खेलमैदान पूरै बगेको स्थानीय किम बहादुर जिसीले जानकारी दिए । विद्यालय पूर्णरुपमा जोखिमा रहेकाले विद्यालय अन्यत्र सार्नपर्ने अवस्थामा रहेको उनले बताए । विद्यालयमा पठन÷पाठन गराउन सक्ने अवस्था नभएको प्रधानाध्यापक तुल्सिराम भुसालले जानकारी दिए ।

प्यूठान नगरपालिका ५ जुम्रिकाँढा डाडाँपारीको दुर्गम बस्ति चान्जामा स्थानीयको सक्रियतामा ३ कक्षा सम्म विद्यालय सञ्चालनमा छ । विद्यालयमा ४० जना विद्यार्थी छन् । यहाँबाट कक्षा ३ उत्तिर्ण गरेपछि माथिल्लो कक्षा अध्ययन गर्न दुई घण्टा हिँडेर जुम्रीकाँडाको ठूलो गाउँको विद्यालयमा पुग्नुपर्छ ।