बिबश जि.एम २०८० श्रावण ३०
२०८० श्रावण ३०प्यूठानमा थप २ जनामा डेङ्गी संक्रमण भेटिएको छ । मंगलबार जिल्ला अस्पताल विजुवारमा परिक्षण गरिएका ५ जना मध्य २ जनामा संक्रमण पुष्टि भएको स्वास्थ्य कार्यालय प्यूठानका जनस्वास्थ्य अधिकृत पुस्कल श्रेष्ठले जानकारी दिए ।
यस अघि श्रावण १८ गते झिमरुक गाउाँपालिका १ का १८ बर्षका एक युबकमा डेङ्गी संक्रमण देखिएको थियो । त्यसपछि झिमरुक गाउँपालिका ७ का २२ वर्षिय पुरुष, र प्युठान नगरपालिका ८, बाग्दुलाका ४२ वर्षिय पुरुषमा २५ गते डेङ्गीका बिरामी थपिए ।
त्यस्तै २६ गते मल्लरानी गाउँपालिका –३ का २० वर्षिय पुरुषमा डेङ्गु पोजेटिभ देखिएको थियो । यो सँगै जिल्लामा डेङ्गीका कारण संक्रमित हुनेको संख्या ६ पुगेको जनस्वास्थ्य अधिकृत श्रेष्ठले जानकारी दिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
