News Portal

रेडियो सुन्नुहोस्

शिक्षकका माग पुरा नभए आन्दोलन थप शसक्त हुने

बोम बहादुर परियार२०८० असोज ४
२९१ पटक
२०८० असोज ४

विद्यालय शिक्षा विधेयकका कतिपय व्यवस्थाप्रति विरोध जनाउँदै शिक्षकहरुको छाता संगठन नेपाल शिक्षक महासंघले आन्दोलनका कार्यक्रम गरिरहेको छ ।
सरकारले गत भदौ २७ गते विद्यालय शिक्षा सम्बन्धी विधेयक प्रतिनिधिसभामा दर्ता गरेपछि असन्तुष्टि जनाउँदै आजदेखि देशभरका सामुदायिक विद्यालय अनिश्चितकालका बन्द भएका छन्। आफना माग पुरा गराउनका लागि शिक्षकहरु काठमाडौं केन्द्रित आन्दोलनमा सहभागी हुन पुगेका कारण देशभरका सामुदायिक विद्यालय बन्द भएको नेपाल शिक्षक महासंघले बताएको छ ।

शिक्षा विधेयकमा शिक्षकको सरुवा, बढुवा, नियुक्ति कार्यसम्पादन, सेवा सुविधा, नियमन लगायत रेखदेखमा स्थानीय तहको भूमिका रहने व्यवस्थाप्रति महासंघले असन्तुष्टि जनाउँदै शिक्षकहरु आन्दोलनमा उत्रिएको नेपाल शिक्षक महासंघका केन्द्रिय सदस्य चक्रपाणी पौडेलले बताए । देशभरका सामुदायिक बिद्यालयका शिक्षकहरु आन्दोलनमा सहभागी भएको उनको भनाई छ ।


नेपाल शिक्षक महासंघ प्यूठानका सचिव जानका के.सीले शिक्षकहरु आन्दोलनका लागि काठमाडौँ गएकाले सम्पूर्ण सामुदायिक विद्यालयको पठनपाठन अवरुद्ध भएको बताइन् । आन्दोलनका कारण रोकिएको पढाइ पछि सार्वजनिक बिदामा पढाउने गरी व्यवस्था मिलाइएको उनको भनाई छ ।
शिक्षकका निजी माग भन्दा पनि देशको समग्र शैक्षिक क्षेत्रको सुधारका लागि आन्दोलनमा उत्रिएको नेपाल शिक्षक महासंघ प्युठान मल्लरानी गाउँपालिकाका सचिव गोविन्द राज पौडेलले बताए । अन्य क्षेत्रको ऐन नियम जस्तै शिक्षा क्षेत्रको ऐन नियम बनाउने बिषयमा सम्बन्धित क्षेत्रको प्रतिनिधित्व हुनपर्ने उनको भनाई छ । शिक्षकका माग पुरा नभएसम्म आन्दोलन जारी रहने उनले बताए ।


विधेयकले शिक्षकलाई पालिका मातहत राख्ने व्यवस्था गरेको प्रति असन्तुष्टि जनाउँदै महासंघले शिक्षकका पेसागत सुरक्षा, हकहित र सम्मानको माग राख्दै विद्यालय बन्द गरी प्रदर्शनमा उत्रिएको जनाएको छ । शिक्षकहरूको आन्दोलनका कारण आजदेखि देशभरका ७० लाख भन्दा बढी विद्यार्थीहरूको पठनपाठन प्रभावित भएको छ।

प्रतिकृया दिनुहोस्

सुत्लावाङ जिप दुर्घटना अपडेटः एक जनाको मृत्यु

नौबहिनी गाउँपालिका–४ सुत्लावाङमा आइतबार भएको जिप दुर्घटनामा घाइते भएका एक पुरुषको मृत्यु भएको छ ।...

सुत्लावाङ जिप दुर्घटना अपडेटः चालक सहित नौ जना घाइते, चार जना बुटवल रिफर

प्यूठानको सुत्लावाङमा भएको गाडी दुर्घटनामा चालक सहित नौ जना घाइते भएका छन् । बहानेबाट सुत्लावाङको...

प्यूठानमा गाडी दुर्घटना, आठ जना घाइते

प्यूठानमा गाडी दुर्घटना हुँदा आठ जना घाइते भएका छन् । बहानेबाट सुत्लावाङको लागि छुटेको लु...

नेकपा (एमाले) प्यूठान नगर कमिटीले बुझायो नगरपालिकालाई १६ बुँदे ध्यानाकर्षण पत्र

नेकपा एमाले प्यूठान नगरकमिटीले प्यूठान नगरपालिकालाई ध्यानाकर्षण पत्र बुझाएको छ । नगरकमिटी अध्यक्ष गिरुप्रसाद भण्डारी...

गौमुखीमा एक पुरुष मृत अवस्थामा भेटिए

प्यूठानमा एक जना पुरुष मृत अवस्थामा फेला परेका छन् । शनिबार विहान प्यूठानको गौमुखी गाउँपालिका...