२०८० असोज ७प्यूठान अस्पतालको सडक मर्मतको लागि अनुगमन गरिएको छ । आइतबार सडक पूर्वाधार विकास कार्यालय प्यूठानका प्रमुख चन्द्र बहादुर शाह, लुम्बिनी प्रदेशका पूर्व मन्त्री कृष्णध्वज खड्का, प्यूठान नगरपालिकाका पूर्व मेयर अर्जुन कुमार कक्षपति, प्यूठान नगरपालिका वडा नं ८ का पूर्व वडाध्यक्ष लिलाप सिंह के.सी, अस्पतालका स्वास्थ्यकर्मी र पत्रकार सहितको टिमले अस्पताल जाने सडक मर्मत गर्ने बिषयमा छलफल गरेका हुन् ।
प्यूठान अस्पतालमा आउने सुत्केरी महिला र थप बिरामीहरुलाई आवतजावत गर्न कठिनाई भएको हुँदा बाटो मर्मत गर्न अस्पतालका अर्थाेपेडिक सर्जन डा.राजेन्द्र पौडेलले आग्रह गरेका हुन् ।
पूर्वाधार विकास कार्यालय प्यूठानका प्रमुख शाहले अस्पतालको सडक सुधार गर्नका लागि आवश्यक बजेटको व्यवस्था गर्न पहल गर्ने बताए । अनुगमनका क्रममा लुम्बिनी प्रदेशका पूर्वमन्त्री कृष्णध्वज खड्काले अस्पताल स्तरोन्नतीका लागि सहयोग गर्ने बताएका छन् ।
