सहकारी व्यवस्थापन सम्बन्धि ३ दिने तालिम आजदेखि सुरु भएको छ । दिगो तथा मर्यादित आर्थिक सामाजिक सशक्तिकरण (सिड्स) कार्यक्रम अन्तरगत सहकारीहरुका लागि ३ दिने सहकारी व्यवस्थापन सम्बन्धि तालिम सुरु भएको हो । कालिका विकास केन्द्र नेपाल प्यूठानको आयोजना तथा स्ट्रोम फाउन्डेसनको सहयोग र ऐरावती गाउँपालिकाको समन्वयमा कालिका विकास केन्द्र नेपाल प्यूठानको सभाहल बिजुवारमा तालिम सुरु भएको हो ।

सहकारीहरुको दिगो व्यवस्थापन गर्ने उद्देश्यले ऐरावती गाउँपालिका भित्र रहेका सहकारीका प्रमुखहरुलाई तालिमको आयोजना गरिएको कालिका विकास केन्द्र नेपाल अन्तरगत (सिड्स) कार्यक्रमका संयोजक सरोज श्रेष्ठले जानकारी दिए । बचत गर्ने स्वाबलम्बन समहुहरुलाई मुलाधारमा ल्याउनको साथै सहकारीलाई व्यवस्थि तगर्दै उक्त समुहहरुको सहकारीमा पहुज बृद्धि गर्नका लागि विभिन्न बिषयमा जानकारी गराउने तालिमको मुख्य उद्देश्य रहेको कार्यक्रमका संयोजक श्रेष्ठले बताए ।  उनका अनुसार बचत समुहहरुलाई मुलधारमा लिएर सहकारीमा आवद्ध गराउने तालिमाको मुख्य उद्देश्य रहेको छ ।

तालिममा ऐरावती गाउँपालिका भित्रका विभिन्न १२ वटा सहकारी संस्थाका २२ को सहभागि रहेको छ । कालिका विकास केन्द्र नेपाल प्यूठानका कार्यकारी निर्देशक राजेन्द्र प्रसाद राज भण्डारीको अध्यक्षतामा सुरु भएको तालिमको सहजिकरण घोराही उपमहानगरपालिका शाखा अधिकृत प्रेम के.सीले गरेका छन् ।