२०८० भदौ १३नौबहिनी गाउँपालिका २ लिघामा शुक्रबारदेखी विभिन्न ७ विधाका कार्यक्रम सुरु भएको छ । शिवजी संरक्षण यूवा मञ्चद्धारा आयोजित कार्यक्रममा खुल्ला महिलापुरुष भलिबल प्रतियोगिता, एकल नृत्य प्रतियोगिता, लामो दौड प्रतियोगिता, रस्साकस्सी प्रतियोगिता, भालेपकड प्रतियोगिता, स्लो बाइक प्रतियोगिता र घैटाफोड प्रतियोगिता गरि ७ विधाका कार्यक्रम सञ्चालन भएका हुन् ।
कार्यक्रमको प्रमुख अतिथिको रुपमा रहेका संविधान सभा सदस्य पुनराम थापा ( हिमाल ) ले खेललाई रमाईलोको लागि मात्र नभई भविष्यको उद्देश्य सहित खेल्न आवश्यक रहेको बताए । साथै पालिका तहबाट जिल्ला स्तरीय हुँदै केन्द्र स्तरसम्म पुग्ने गरि खेललाई अगाडी बढाउन समेत थापाले खेलाडीहरुलाई आग्रह गरे ।
खेलाडीमा अनुशासन, लगनशील र धैर्यता महत्वपूर्ण हुने कार्यक्रममा बोल्ने बक्ताहरुको भनाई थियो ।
हरेक बर्ष असोज पूर्णिमाको दिन लाग्ने मेलाको अवसर पारी विविध खेलकदु तथा सांस्कृतिक कार्यक्रमको आयोजना गरि दोस्रो बार्षिक उत्सव मनाएको शिवजी संरक्षण यूवा मञ्चका अध्यक्ष बेगम दर्लामी मगरले बताए ।
पुरुष भलिबल प्रतियोगितामा ३० टिम सहभागि भएको आयोजकले जानकारी दिएको छ ।
शिवजी संरक्षण यूवा मञ्चका अध्यक्ष बेगम दर्लामी मगरको अध्यक्षतामा सुरु भएको कार्यक्रममा प्रमुख अतिथि संविधान सभा सदस्य पुनराम थापा ( हिमाल ) विशेष अतिथि नौबहिनी गाउँपालिका निवर्तमान उपाध्यक्ष घन बहादुर बुढा ( सचिन ) लगायत अन्य अतिथिहरुको सहभागिता थियो भने सञ्चारकर्मी बिबश जि.एमले सञ्चालन गरेको कार्यक्रममा स्वागत मन्तव्य पूर्ण थापाले गरेका हुन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
