गौमुखी गाउँपालिका ४ पुँजाकी २२ बर्षिय कृष्णा घर्ति क्षेत्रीको डेढ बर्ष अघि लडेर दाँया हात भाँचिएको थियो । त्यसपछि उनको हातमा रड राखियो ।

हातको रड झिक्ने समय पुगेपछि उनी बिहिबार आफ्नी नन्द ललितालाई लिएर प्युठान अस्पताल पुगेकी थिइन । उनीआफैमा बिरामी छिन, साथमा उनको दुधे बालक पनि छ । प्युठान अस्पतालमा बिशेषज्ञ डाक्टर आएकोबारे उनलाई थाहा थिएन । प्युठान अस्पतालका हाडजोर्नी तथा नसा रोग विशेषज्ञ डा.राजेन्द्र पौडेलले रड प्युठान अस्पतालबाटै निकाल्ने भनेपछि कृष्णा खुसी भइन ।

शुक्रबार कृष्णाको हातको रड सफलतापुर्वक निकालिएको डाक्टर पौडेलले बताए । उनले भने,- बिरामीले जिल्लामै विशेषज्ञ सेवा पाउदा लाखौ खर्च जोगिएको छ ।
कृष्णाको आर्थिक अबस्था कमजोर भएको हुँदा अस्पतालबाट केहि सहुलितमा उपचार गएिको अस्पताल प्रशासनले जनाएको छ ।

बिरामीलाई शनिबार अस्पतालबाट डिस्चार्ज गरिएको डाक्टर पौडलले जानकारी दिए ।
त्यस्तै प्युठान अस्पतालमा सेवा लिन पुगेका गौमुखी गाँउपालिकाका अर्का सेवाग्राही सिताराम के.सीले अस्पतालको बिशेषज्ञ सेवा दुर्गमका नागरीकहरुको सबैभन्दा ठुलो खुसी रहेको बताएका छन ।
अहिले अस्पतालको सेवा प्रवाह बढेसंगै बिरामीहरुको चाँप समेत ह्वात्तै बढेको अस्पताल श्रोतले जनाएको छ।