झुलेनी नेटवर्क२०८० असोज १६
२०८० असोज १६प्यूठानमा माछा मार्ने क्रममा खोलामा डुबेर एक जना पुरुषको मृत्यु भएको छ । सोमवार साँझ करिब ७ः४५ बजे प्यूठान नगरपालिका ५ जुम्रीकाडाँका २७ बर्षिय शोभाराम घर्ति मगरको खोलामा डुबेर मृत्यु भएको हो ।
जुम्रीखोलामा माछा मार्ने क्रममा शोभारामको मृत्यु भएको जिल्ला प्रहरी कार्यालय प्यूठानले जानकारी दिएको छ । मृतक शोभरामकी श्रीमती संगीता घर्ति मगरले जुम्रीखोलामा घोप्टो परेको अवस्थामा देखेपछि उद्धार गरी उपचारका लागि जिल्ला अस्पताल बिजुवार लैजादै गर्दा बाटो मै उनको मृत्यु भएको पारिवारिक श्रोतले जानकारी दिएको छ ।
