जन्मदिनको अवसरमा धरम्पानी स्वास्थ्य चौकीलाइ वाटर डिस्पेन्सर उपलब्ध गराईएको छ ।
शुक्रवार प्यूठान अस्पतालका प्रमुख एवं लायन्स क्लब अफ भित्रीकोटका सदस्य डाक्टर प्रमिला खनालले जन्मदिनको अवसर पारी मल्लरानी गाउँपालिका ३ चुँजाठाटीमा रहेको धरम्पानी स्वास्थ्य चौकीलाइ वाटर डिस्पेन्सर हस्तान्तरण गरेकी हुन ।

स्वास्थ्यचौकीमा आउने विरामीहरुको अवस्थालाई मध्यनजर गर्दै वाटर डिस्पेन्सर मेसिन उपलब्ध गराएको डाक्टर खनालले वताइन ।
विरामीहरुले उक्त मेसिनबाट शुद्ध तातो चिसो पानी आवश्यकता अनुसार निकालेर प्रयोग गर्न सक्नेछन् । स्वास्थ्यचौकीमा मेसिनको अभाव भएको हुँदा उनले जन्मदिनको अवसरमा उपलब्ध गराएको वताइन ।

वाटर डिस्पेन्सर हस्तान्तरण कार्यक्रममा मल्लरानी गाउँपालिका ३ का वडाध्यक्ष नोमराज पौडेल, लायन्स क्लब प्यूठानका रिजन चियर पर्सन एवम प्यूठान नगरपालिकाका पूर्व मेयर अर्जुन कुमार कक्षपती , प्यूठान अस्पतालका हाडजोर्नी तथा नसारोग विसेषज्ञ डाक्टर राजेन्द्र पौडेल ,लायन्स क्लब प्यूठानका सदस्य पुर्ण गमाल , पत्रकार दिपा पौडेल , स्वास्थ्यचौकीका प्रमुख टुकाराम पोख्रेल र सस्थाका कर्मचारी, स्थानीय समाजसेवी एबम धरम्पानी स्वास्थ्य सस्थाका जग्गादाता लेखनाथ पौडेल लगायतको उपस्थिती रहेको थियो ।