लायन्स क्लब अफ प्यूठान ‘सेकेन्ड रेगुलर क्याबिनेट मिटिङ’ बाट सम्मानित भएको छ । लायन्स क्लब अफ प्यूठान हरेक कार्य क्षेत्रमा क्रियासिल र सक्षम भएको भन्दै सुर्खेतमा चलिरहेको ‘सेकेन्ड रेगुलर क्याबिनेट मिटिङ’ बाट सम्मानित भएको लायन्स क्लब अफ प्यूठानका अध्यक्ष झविन्द्र शर्माले जानकारी दिए ।

लायन्स क्लब अफ इन्टरनेश्नल ३२५ एन का १२१ क्लबमध्ये लायन्स क्लब अफ प्यूठान सबैभन्दा उत्कृष्ट भएको हो । साथै लायन्स क्लब अफ प्यूठान र लायन्स क्लब अफ भित्रिकोटले संयूक्त रुपमा राखेको प्रस्ताव समेत सर्वसम्मतिले स्वीकृत भएको छ । मल्लरानी गाउँपालिका ४ मा रहेको असारेचौर पार्कमा खुल्ला व्यायामशाला निर्माणको लागि ‘एनएफएल फण्डफन्ट’ बाट ३ लाख बराबरको परियोजना स्वीकृत भएको लायन्स क्लब अफ प्यूठानले जनाएको छ ।