लालीगुराँस बचत तथा ऋण सहकारी संस्था लिमिटेड मल्लरानी –३ सालठाँटीको कार्यालयमा चोरी भएको बिषयमा विभिन्न टीकाटिप्पणी आएको भन्दै संस्थाले गम्भिर ध्यानाकर्षण भएको जनाएको छ ।

संस्थाले बुधबार एक विज्ञप्ति जारी गर्दै यस्तो बताएको हो । संस्थाका अध्यक्ष यम प्रसाद पाण्डेयद्धारा हस्ताक्ष्रित विज्ञप्तिमा भनिएको छ – यस लालीगुँरास बचत तथा ऋण सहकारी संस्था लि. को मिति २०८०÷०६÷१४ गते राति को समयमा सहकारी तोडफोड गरी १ लाख ६२ हजार नगद चोरी भएको विषयलाई लिएर सामाजिक संजाल फेसबुक, टइुटर र म्यासेन्जर बाट यस सहकारीको सञ्चालकप्रति गैर जिम्मेवारी ढङ्गबाट विभिन्न व्यक्तिहरुले टीकाटिप्पणी, गालीगलौच र तुच्छ शब्द प्रयोग भएको विषयमा हाम्रो ध्यानाकर्षण भएको छ । यस विषयमा स्थानीय जनप्रतिनिधि, सरोकारवाला, प्रहरीलाई जनकारी गराएको र प्रहरीले अनुसन्धान गरिरहेको हामीलाई जानकारी गराएको छ । यो घटना बाट हामी अत्यन्तै दुखि भएका छौ । संस्थाले चोर पत्ता लगाई कानुनी दायरामा ल्याई हदै सम्मको कार्बाहीको लागि सबैले आ–आफ्नो ठाउँ बाट सहयोग गर्न समेत अध्यक्ष एम प्रसाद पाण्डेयको हस्ताक्षरित विज्ञप्तिमा भनिएको छ ।

असोज १४ गते राती मल्लरानी– ३ सालठाँटी स्थित संस्थाको कार्यालयमा तोडफोड गरी कार्यालयमा भएको करिब नगद १ लाख ५० हजार र एक हजारका पुराना नोटहरु समेत चोरी भएकोे थियो । प्रहरीले संस्थाको कार्यालय तोडफोड गरी चोरी गर्ने व्यक्तिको खोजी भइरहेको बताएको छ ।