१३ औं राष्ट्रपति रनिङशिल्ड प्रतियोगिता आजबाट सुरु भएको छ । “स्वास्थ्यका लागि खेलकुद, राष्ट्रका लागि खेलकुद, सबैका लागि खेलकुद” भन्ने मुल नाराका साथ गणतान्त्रिक खेल मैदान बिजुवारमा सुरु भएको प्रतियोगिताको उद्घाटन लुम्बिनी प्रदेशका उद्योग तथा यातायात व्यवस्था मन्त्री सरोज थापाले गरेका हुन् ।

प्रतियोगिताको उद्घाटन गर्दै कार्यक्रमको प्रमुख अतिथिसमेत रहेका मन्त्री थापाले प्रतियोगिताको व्यवस्थापन पक्ष राम्रो नभएको भन्दै आक्रोस व्यक्त गरेका छन् । उनले काम राम्रो गर्न सकिन्न भने सुरु नै नगर्नु भन्दै जसो गरे पनि हुन्छ भन्ने अधिकार कसैलाई नभएको बताए ।

जिल्ला खेलकुद विकास समिति प्यूठानको आयोजनामा भएको प्रतियोगितामा ९ विद्यालयले भाग लिएका छन् । प्रतियोगितामा ५ विधाका खेल खेलाईने आयोजकले बताएको छ । जसअन्र्तगत भलिबल, एथलेटिक्स, कराँते, तेक्वान्दो र कबड्डी रहेका छन् । जिल्ला खेलकुद विकास समिति प्यूठानका अध्यक्ष हुमलाल नेपालीको अध्यक्षतामा सुरु भएको प्रतियोगिता २७ गतेसम्म चल्नेछ ।