News Portal

रेडियो सुन्नुहोस्

आगलागी सम्बन्धी कृतिम अभ्यास कार्यक्रम बिजयनगरमा सम्पन्न

बिबश जि.एम२०८१ बैशाख ३
९३ पटक
२०८१ बैशाख ३

“समुदायको अगुवाईमा विपद जोखिम न्यूनीकरण परियोजना” अन्तर्गत आगलागी सम्बन्धी कृतिम अभ्यास कार्यक्रम बिजयनगरमा सम्पन्न भएको छ । सोमबार जिबावती र लालीगुँरास सामुदायिक विपद व्यवस्थापन समितिको संयुक्त आयोजना तथा नेपाल रेडक्रस सोसाईटी जिल्ला शाखा प्यूठानको समन्वयमा कार्यक्रम भएको हो ।

मानवबाट हुने आगलागीका घटना, दुर्घटना, ग्यास चुहावटबाट हुने आगलागीलाई नियन्त्रण कसरी गर्ने, आगलागीमा परी घाइते भएकाहरुलाई कसरी प्राथमिक उपचार गर्ने लगायतका बिषयमा अभ्यास गरिएको थियो ।

कार्यक्रममा नेपाल रेडक्रस सोसाइटीका केन्द्रीय सदस्य तथा जिल्ला शाखा प्यूठानका सभापति गुमानराज पुलामीले जुनसुकै विपदका घटनाहरु भए पनि बाजा बजाएर नआउने भएकाले यस्ता भैपरी आउने घटनाहरुबाट सचेत हुन सबैलाई आग्रह गरेका छन् । साथै उनले यसको लागि सबैले हातेमालो गरी सचेत भएर अघि बढ्न जोड दिएका छन् ।

समाजमा घटिरहने आगलागी, दुर्घटना लगायतका घटनाहरुलाई कसरी नियन्त्रण तथा न्यूनीकरण गर्न सकिन्छ भन्ने पूर्व तयारीका लागि कृतिम अभ्यास गरिएको जिबावती सामुदायिक विपद व्यवस्थापन समितिका अध्यक्ष हेमन्त पाठकले बताए । यस्ता घटनामा सबैलाई सचेत बनाउनका लागि पनि यो कार्यक्रम आवश्यक रहेको पाठकको भनाई छ ।

कार्यक्रममा जिबावती र लालीगुँरास सामुदायिक विपद व्यवस्थापन समितिका सदस्य, नेपाल रेडक्रस सोसाइटी जिल्ला शाखा प्यूठानका कर्मचारी, स्थानीयबासी लगायतको सहभागिता थियो ।

प्रतिकृया दिनुहोस्

गौमुखीमा भएको मानसिक स्वास्थ्य शिविरबाट ९५ जनाले सेवा लिए

निःशुल्क विशेषज्ञ मानसिक रोग सम्बन्धि स्वास्थ्य शिविर गौमुखी गाउँपालिकामा सम्पन्न भएको छ । गौमुखी गाउँपालिकाको...

गणतन्त्र आएपनि जनताको समस्या जस्ताको त्यस्तै

१७ औं गणतन्त्र दिवस प्यूठानमा विभिन्न कार्यक्रम गरी मनाईएको छ । दिवसको अवसरमा प्यूठानको खलंगामा...

पौडेल बंश महासंघ लुम्बिनी प्रदेशको पहिलो बैठक स्वर्गद्धारीमा सम्पन्न

प्यूठान, पौडेल बंश महासंघ लुम्विनी प्रदेश कमिटीको पहिलो बैठक प्यूठानको प्रमुख धार्मिक तथा पर्यटकिय स्थल...

कालिबहादुर के.सि. को स्मृतिमा श्रद्धाञ्जली कार्यक्रम सम्पन्न

सामाजिक अगुवा तथा बौद्धिक ब्यक्तित्व काली बहादुर के.सी.को स्मृतिमा श्रद्धाञ्जली कार्यक्रम सम्पन्न भएको छ ।...

माण्डवी ३ मा निशुल्क कम्प्यूटर तालिम सञ्चालन

माण्डवी गाउँपालिका ३ मा ३ महिने निशुल्क कम्प्यूटर तालिम सञ्चालन भएको छ । वडामा गठन...