आँखा अस्पताल बिजुवारमा एक दिने शिविर सम्पन्न भएको छ । शिविरबाट २ सय ५० जनाले विशेषज्ञ सेवा लिएको नरेन्द्र गायत्री आँखा अस्पताल बिजुवारले जनाएको छ । बुधबार भएको एक दिने शिविरबाट २७ महिला र १९ पुरुषले आँखाको अप्रेशन गराउन पाएका हुन ।

उनिहरुको विहिवार शल्यक्रिया गरिएको नेपाल नेत्रज्यो संघ आँखा उपचार केन्द्र प्रस्तावित नरेन्द्र गायत्री आँखा अस्पतालकी कार्यालय प्रमुख लक्ष्मी मल्ल ठकुरीले जानकारी दिईन् । उनका अनुसार सेवा लिएका आँखाका विरामीहरुमा पर्दाको समस्या, आँखाको नानीको समस्या, आँखा पाक्ने रोग, मोतिया विन्दु, आँखामा सुख्खापन लगायतका समस्या देखिएको छ । आँखा अस्पतालले हरेक महिनाको विभिन्न समयमा शिविर सञ्चालन गर्दै आईरहेको छ ।