यूवा गैरसरकारी संस्था महासंघ प्यूठानको भेला सम्पन्न भएको छ । मंगलबार जुम्रीमा भएको भेलाले प्रज्वल पहाडीको संयोजकत्वमा ७ सदस्यीय जिल्ला कार्यसमिति गठन गरिएको हो । जसको उपाध्यक्षमा बोम बहादुर परियार, सचिव बिमल प्रसाद पोख्रेल, सहसचिव हेमन्त पाठक र कोषाध्यक्षमा स्मृति घर्तीमगरलाई चयन गरेको छ । भेलाले सदस्यमा २ जना पछि थप गर्ने गरी हाललाई रिक्त राखेको छ ।

त्यस्तै भेलाले सल्लाहकारमा भगत कर्माचार्य, सञ्जय रिजाल, जुमानसिंह के.सी र झविन्द्र शर्मालाई चयन गरेको छ ।
भेलामा सहभागिहरुले जिल्लामा गैरसरकारी संस्था भएपनि स्थानीय तहहरुले त्यति चासो नदिँदा नीजि क्षेत्रका संस्था वा कुनै पनि समुह ओझेलमा परेको बताएका थिए । साथै गैरसरकारी संस्था भन्दा एउटा व्यक्ति गएर कार्यक्रम सञ्चालन गरेको पाईएकाले यस्तो कार्यले संस्थालाई बलियो बनाउन नसकिने बताएका छन् । उनीहरुले यसको लागि संस्था बलियो र सक्रिय भएर लाग्नुपर्ने सुझाव दिएका थिए ।

त्यस्तै यूवा गैरसरकारी संस्था महासंघका केन्द्रिय अध्यक्ष नारायण गिरीले संस्थालाई गतिशील बनाउँदै लैजान समेत आग्रह गरेका छन् । साथै संस्था बलियो बनाउनको लागि सक्रिय भएर लाग्नुपर्ने सुझाव समेत दिए ।