नेपालको इतिहासमा पहिलो पटक अटो जिमखानाको आयोजना सम्पन्न भएको छ । ‘भग्सवागन नेश्नल अटो जिमखाना च्याम्पियनसिप २०१७’ बाट सुरेन्द्र प्रधान च्याम्पियनसिप भएका छन् । यो सँगै प्रधान अन्तराष्ट्रिय अटो जिमखाना गेमका लागि समेत छनोट भएका छन् । उनले ४० प्रतिसप्रदी तथा साहसिक ड्राईभर खेलाडीहरुलाई पछि पार्दै उपाधी उचाल्न सफल भएका हुन् । उनले आउदो वर्ष इण्डोनेशियामा हुने अन्तराष्ट्रिय अटो जिमखाना गेमका लागि नेपालको तर्फबाट सहभागिता जनाउदै छन् । आउनुहोस् सुनौं साहसिक तथा नेशनल च्याम्पियनसिपसँग प्रयास श्रेष्ठको संक्षिप्त कुराकानी । 

• अटो जिमखाना अर्थात् अटो खेलमा तपाई नेशनल च्याम्पियनसिप बन्नु भएको छ । तपाइलाई कस्तो अनुभुती भैरहेको छ ?

नेपालमै भएको अन्तराष्ट्रिय लेभलको अटो जिमखानाबाट च्याम्पियनसिप हुनपाउदा म धेरै खुशी अनि हर्षित भएको छु । मलाई लागेको थिएनकी म यो उपाधी जित्ने छु । अहिले पनि मलाई म आफै च्याम्पियन भएको विश्वास लागिरहेको छैन । जेहोस् मनमा आट र साहस भए सफलता हात लाग्ने रहेछ । अहिले मलाई यस्तै लागिरहेको छ ।

• पहिले पनि तपाईले यस्तै कुनै गेममा भाग लिनु भएको थियो की ?

विल्कुल थिएन । स्कुल पढ्दाखेरी सामान्य शारिरीक व्यायम तथा अन्य गेमहरु त खेलिएको थियो होला तर यस्तो अटो रेस तथा जिमखाना खेलहरुमा भने कहिल्यैं भाग लिगेको थिईन । यो नै मेरो जीवनको पहिलो अटो गेम हो । पहिलो गेमले नै मलाई नेशनल च्याम्पियन बनाईदियो ।

• खेलमा कसरि सहभागी हुनुभयो त ?

मेरो घर धनुषा क्षेत्र नंबर ४ हो । मेरो पेषा व्यवसया तथा कामकाज उतैनै छ । पहिलो पटक नेपालमा अटो जिमखानाको आयोजना हुदै छ भन्ने कुरा साथीमार्फत थाहाँ गरे । त्यसोत पछि मैले पत्रिकामा पनि पढे । तर खेलकुदमा भाग लिने भने मेरो कुनै योजना थिएन । साथीले भाग लिन अनुरोध गर्नुका साथै प्रोत्साहन समेत गरेकाले मैले भाग लिने निर्णय गरे । यहि अटो जिमखानाका लागि नै भनेर म धुनुषा देखी काठमाण्डौं हुदै काभ्रेको धुलिखेल सम्म आइपुगे । भाग पनि लिगियो र जितियो पनि । यसले मलाई ठूलो खुशी प्रदान गरेको छ ।

• प्रतियोगितामा भाग लिदै गर्दा तपाईलाई कस्तो अनुभूती भएको थियो नी ?

पहिलो पटक रेसिङ्ग गेममा भाग लिदा केहि कौतुहलता हुनुत सोभाविक नै हो । मलाई पनि के हुन्छ होला ? कसरी ड्राईभ गर्ने होला ? जस्ता कुराले ढुक्ढुकी बढाईरहेको थियो । गेम सुरु भए पछि पनि मलाई कताकता आफैमा नर्मस फिल भैरहेको थियो । विस्तारै अघि बढेपछि भने आफुमा साहस बढेर गयो । म भन्दा पनि राम्रा र सिपालु साहसिक ड्राभरहरु नर्मस र हतारिएकै कारण असक्षम हुन पुगे । जे होस् म भने सफल हुन पुगे ।

• तपाईको ड्राईभिङ्ग अनुभव कति वर्षको हो ?

मेरो ड्राईभिङ्ग अनुभव त त्यति धेरै रहेको छैन । मैले नियमित गाडी चलाउन थालेको करिब २ वर्ष जति मात्र हुनलागेको छ । यो भन्दा पहिला त आक्कलझुक्कल दाइको गाडी चलाउने गर्थे । पछि आफैले गाडी किनेर ड्राईभ गर्न थालेको हुँ । ड्राईभिङ्ग अनुभवको समयावधीले भन्दा पनि मलाई एकपटक सिकेको कुरालाई निकै ध्यान दियर त्यसमा निखारता ल्यान मन लाग्छ । त्यसैले गर्दा मेरो ड्राईभिङ्गको छोटो समयको अनुभवले पनि सफलता हात लागेको छ । त्यसोत मैले चालक अनुमतीपत्र लाईसेन्स प्राप्त गरेको करिब ८–१० वर्ष जति भैसकेको छ । त्यो वेलामा जनकपुरबाट मैले लाईसेन्स झिक्दा करिब साढे दुई सयले एकै पटक ट्रायल दिदा एक मात्र पास गरेर लाईसेन्स प्राप्त गर्ने व्यक्ति मनै थिए । त्यो पनि पहिलो पटकमै ।

• नेशनल च्याम्पियनसिपसँगै अब तपाई इन्टरनेशन गेमका लागि समेत छनोटमा परिसक्नु भएको छ । अबको तपाईको तयारी कस्तो हुने छ त ?

नेपालकै पहिलो अटो गेमले मलाई नेशनल च्याम्पियनसिप बनाउदै इन्टनेशनल पार्टिसिपेन्ट खेलाडी समेत बनाएको छ । यसलाई मैले मेरो भाग्य र अवसर दुबैकै रुपमा हेरेको छु । प्राप्त अवसरलाई सदुपयोग गर्दै आयोजक टिमले सपोर्ट गरेको खण्डमा म इन्टरनेशनल मैदानमा समेत सहभागी हुनेनै छु । तर मेरो यहि स्तर र पर्फमेन्सले त त्यहाँको लागि प्रयाप्त हुने छैन । यसका लागि आयोजक टिमसँग सहकार्य गर्दै म आफै पनि आफ्नो ड्राभिभ स्किललाई अझ सुधार गर्न प्रयत्न गर्ने छु । ताकी विदेशी भूमीमा पनि जित हासिल गर्दै नेपालको झण्डा फहराउन सकु ।

source: gracekhabar.com