गौमुखी गाउँपालिका अध्यक्ष विष्णुकुमार गिरीले कानुनी उल्झनका कारण गौमुखी गाउँपालिकाले अघि सारेको कोदोको रक्सी ब्राण्डिङ गर्ने कार्यक्रम कार्यन्वयनमा समस्या भएको बताएका छन्। झुलेनी नेटवर्कको विशेष सम्वादमा कुरा गर्दै गिरीले स्थानीय तहको आवश्यकता अनुसार संघ र प्रदेशले कानुनी जटिलता नफुकाउँदा कतिपय कार्यक्रम कार्यन्वयमै समस्या देखिएको बताएका हुन।

गाउँपालिकाले गत आर्थिक वर्षमा कोदोको रक्सी व्राण्डिङ्को अवधारणा लिएको थियो। तर, संघ र प्रदेशले कानुनी उल्झन नफुकाउदा कार्यन्वयनमा समस्या देखिएको गिरीले बताए ।

लुम्बिनी प्रदेश सरकारले गत आ.व.मा स्थानीय रक्सी व्राण्डीङ गर्ने निति तथा कार्यक्रम ल्याएकोमा गौमुखी गाउँपालिकाले पनि सोही आधारमा योजना निर्माण गरेको तर, सहजिकरण नभएको गिरीको भनाई छ । ‘प्रदेश सरकारले कानुनी जटिलता हटाउला भनेर काम शुरु ग¥यौं’ गिरीले भने,‘तर अस्थिर सरकारका कारण नारामा मात्रै सिमित हुन पुग्यो’ । नेतृत्व र कर्मचारी सयंन्त्रको भूमिका ठिक नभएका कारण स्थानीयको लगानी भण्डारमा थन्किएको गिरीको भनाई छ ।

नेपाली काँग्रेस प्यूठानका सभापति समेत रहेका गिरीले जिल्लाको विकास निर्माणका लागि साझा धारणाको निर्माण गर्नुपर्ने बताए । जिल्लाको विकासमा साझा धारणा निर्माण गर्न सके जिल्लाको विकास र पालिकाहरुलाई समेत काममा समेत सहज हुने बताए।

गिरीले जिल्लाका क्याम्पसहरुको उदाहरण दिँदै जिल्लामा समान प्रकृतिका क्याम्पस धेरै रहेकामा सञ्चालनमा समस्या आइरहेको औल्याए। अलग अलग फ्याकेल्टिहरु बनाएर जिल्लाका सबै सरोकारवालाले साझा धारणाका साथ गुणस्तीय शिक्षा बनाए शिक्षामा उल्लेख्य प्रगति हुने उनले बताए ।

अन्तर्वार्ताको भिडियो हेर्न लिंक क्लिक गर्नुहोस्।

गौमुखी गाउँपालिकाका अध्यक्ष विष्णुकुमार गिरी सँगको अन्तर्वार्ता