२०८१ असोज २२झुलेनी पोष्ट साप्ताहिक ‘क’ वर्गमा वर्गीकृत भएको छ । प्रेस काउन्सिल नेपालले गरेको वर्गीकरणमा २०७८/०७९ को नतिजामा स्थानीय ‘क’ वर्गमा वर्गीकरण भएको हो ।
आइतबार वर्गीकरणको अन्तिम नतिजा सार्वजनिक गर्दै काउन्सिलले ९ सय पत्रपत्रिकाले आवेदन दिएकोमा ८ सय ७५ पत्रपत्रिकाहरू वर्गीकरणमा समावेश भएको जनाएको छ ।
देशभरबाट ‘क’ वर्गमा २ सय ९२, ‘ख’ वर्गमा ४ सय ३२ ‘ग’ वर्गमा १ सय ३७ र ‘घ’ वर्गमा १४ वटा पत्रिका वर्गीकृत भएका छन् । काउन्सिलले १ सय ३५ पत्रिकालाई राष्ट्रिय स्तरमा, १ सय ६३ पत्रिकालाई प्रदेश स्तरमा र ५ सय ७७ पत्रिकालाई स्थानीय स्तरमा वर्गीकृत गरेको छ ।
उक्त आर्थिक वर्षमा २ सय दैनिक, २ अर्धसाप्ताहिक, ५ सय १० साप्ताहिक, १३ पाक्षिक, ६९ मासिक, ५ वटा द्वैमासिक, ८ वटा मासिक, ५६ साहित्यिक र १२ वटा भाषाभाषी पत्रिकालाई वर्गीकरणमा समावेश गरेको काउन्सिलले जनाएको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
