झुलेनी नेटवर्क२०८२ जेठ २१
२०८२ जेठ २१विजुवारमा सञ्चालित एक हप्ते पाठेघर खस्ने समस्या भएका महिलाहरुको निशुल्क सिविरमा ७५ जनाको शल्यक्रिया भएको छ ।
प्यूठानका ४७ जना, रोल्पाका १९ जना, गुल्मीका २ जना, रुकुमका ४ जना र अर्घाखाँचीका ३ जनाको शल्यक्रिया भएको स्वास्थ्य कार्यालय प्यूठानका कोल्ड चेन निरीक्षक कोषलराज वैद्यले जानकारी दिए ।
जिल्लामा भएको पूर्वाधारमा अपरेशन गर्न नसकिने १७ जनाको रिफर गरिएको छ । प्यूठानका १० जना, रोल्पाका ४ जना, गुल्मी, अर्घाखाची र रुकुमका १ १ जनाको रिफर गरिएको वैद्यले बताए ।
सिविरमा १ सय ८७ जनाले जाँच गराएका छन् । स्वास्थ्य निर्देशनालय लुम्बिनी प्रदेशको आयोजना र नेपालगञ्ज मेडिकल कलेजको सहयोगमा सिविर सञ्चालन भएको हो ।
गतवर्ष प्यूठानबाट रोल्पा लगेर ३९ जनाको शल्यक्रिया गरिएको थियो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
