झुलेनी नेटवर्क २०८२ फागुन २९ गते
२०८२ फागुन २९ गते झिमरुक गाउँपालिका ६ र ७ जोड्ने कुटीचौर किटघाटस्थित झिमरुक नदिमा पक्की पुल निर्माण सम्पन्न भएको छ । सडक पूर्वाधार कार्यालय प्यूठान मार्फत ४ करोड ८७ लाख बजेट विनियोजन भएर पुल निर्माण सम्पन्न भएको हो।
पुल निर्माणको ठेक्का आँसु निर्माण सेवा प्यूठानले लिएर समयमअवधिमै निर्माण कार्य सकेको सडक पूर्वाधार कार्यालय प्यूठानका कार्यालय प्रमुख सचितानन्द चौधरीले बताए ।
कार्यालयका अनुसार ४६ दशमलव ८ मिटर लम्बाइ, १० मिटर चौडाइको डवललेन पुल निर्माण सम्पन्न भएको छ।
यहाँ पुल निर्माण भएपछि प्यूठानको नौबहिनी, झिमरुक, प्यूठान नगरपालिका र गौमुखी क्षेत्रका स्थानीयले लाभ लिने स्थानीय ईन्द्रमणी पोख्रेलले बताए ।
झिमरुक खोलामा पुल नहँुदा झिमरुक गाउँपालिका ७ को कुता, तुषारा जाने सवारी साधन बर्खाको समयमा चल्न सक्दैनथे । अब हिउँद बर्खानै गाडी गाउँसम्म चल्ने भन्दै यस क्षेत्रका स्थानीय हर्षित छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
