नेपाली गीत संगीतको क्षेत्रमा उत्कृष्टताको कोणबाट सबै सामु परिचित नाम हो बि.बि. अनुरागी । जुन नाम नेपाली गीत संगीत प्रेमी दर्शक श्रोताको लागि नयाँ नाम भने अवस्य हैन । उहाँले नेपाली गीत संगीतको क्षेत्रमा संगीतकार एवम् एरेन्जर (संगीत संयोजकको ) माध्यमवाट ठुलो लगानी गर्नुभएको छ ।

उहाँले धेरै एरेन्ज र संगीत गरेपनी कहिलेकाही आफ्नो आवजमा पनि उत्कृष्ट्र गीतहरु रेकर्डिङ्ग गरेर दर्शक श्रोतालाई पस्कीरहनु भएको हुन्छ । उहाँले पछिल्लो समय गीत गाउने पाटोलाई पनि अलि निरन्तरता दिन थाल्नुभएको छ । केही समय अगाडी बजारमा आएको आइलभ यू आइ मिस यु र वय स्यानीले राम्रो सफलता बटुले सँगै उहाँको आवाजमा फेरि अहिले भ्यालेन्टाइन डे लाई लक्ष्ति गरेर नयाँ गीत “दिल राजा दिल रानी” सार्वजनिक भएको छ ।

पछिल्लो समयकी लोकप्रीय गायिका इन्दु बाँनियाको प्रस्तुतीमा बजारमा आएको यस गीतको स्वरमा साथ बिबि अनुरागीले दिनुभएको छ भने गीतको संगीत र एरेन्ज पनि अनुरागीकै रहेको छ भने शब्द सृजना सर्वप्रिय सर्जक सुमन श्रापितको रहेको छ । गीतको ध्वनी सम्पादन कुशल एवम् चर्चित साउण्ड इन्जिनियर श्यामश्वेत रसाइलीले गर्नुभएको छ ।

म्यूजिक भिडियोमा अहिलका सर्वाधिक रुचाइएका जोडी पल शाह र आँचल शर्माको रोमान्स देख्न सकिन्छ । गम्भिर विष्टको निर्देशन रहेको यस म्यूजिक भिडियोको छायाँकन नबराज उप्रेतीले गर्नुभएको छ भने सम्पादन नबीन निरौलाले गर्नुभएको छ । गीतको बजार व्यवस्थापन ओपल अडियो भिडियोले गरेको छ । भिडियो ओपल इन्टरटेनमेन्ट को युटुब च्यानलमा अपलोड गरिएको छ । गीतले सबैखाले दर्शक श्रोताको मन जितोस् हाम्रो तर्फवाट शुभकामना ।
हेर्नुहोस् भिडियो