चैत्र २९ काठमाण्डौनेत्रविक्रम चन्द विप्लवले नेतृत्व गरेको नेपाल कम्यूनिष्ट पार्टीको नेता हुं भन्दै चन्दा उठाउने नेपाली कांग्रेसका कार्यकर्ता पक्राउ परेका छन्।
नेपाली काँग्रेसका नेताले नेपाल कम्युनिस्ट पार्टीको नाममा व्यवसायीसँग दुई करोड रकम माग्दै गरेको खुलासा भएको छ ।
काँग्रेस नेता चेतबहादुर गुरुङले बमले घर उडाईदिने धम्की दिँदै एक जग्गा व्यवसायीसँग दुई करोड माग गरेका हुन् । उनीसहित अन्य चार जनालाई प्रहरीले काठमाडौंका विभिन्न स्थानबाट पक्राउ गरेसँगै सो खुलासा भएको हो ।
प्रहरीको केन्द्रीय अनुसन्धान ब्यूरोले विहीबार एक विज्ञप्ति जारी गरेर चेतबहादुरसँगै उनका सहयोगीलाई बुधबार पक्राउ गरेको बताएको छ । पेशाले राजनीतिकर्मी चेतबहादुरको स्थायी घर गोरखा अजिरकोट गाउँपालिका–४ हो । उनी तरुण दलको केन्द्रीय महाधिवेशन प्रतिनिधि समेत भएको प्रहरीले बताएको छ ।
काँग्रेस नेता गुरुङले आफू नेपाल कम्युनिस्ट पार्टीको नेता भन्दै व्यवसायीहरुलाई दुई करोड मागेको थिए । नदिए ज्यान मार्ने धम्की दिनुको साथै घर नै बमले उडाइदिने धम्की दिँदै उनले उक्त रकम मागेको प्रहरीले बताएको छ ।
चारैजना गोरखा निवासी हुन् । गोरखा सुलिकोट गाउँपालिका–४ का सोमबहादुर गुरुङ व्यवसायी हुन् भने वीरबहादुर गुरुङ पेट्रोल पम्पमा काम गर्दै आएको प्रहरीले बताएको छ । त्यसैगर गोरखाकै सुलिकोट–४ का सुनिल ढकाल संयुक्त यातायातका सह–चालक भएको प्रहरीले बताएको छ ।
प्रहरीका अनुसार उनीहरुले हाल काठमाडौँको खुशिबु बस्दै आएका गोरखा सुलिकोट–८ का सापकोटा थरका जग्गा व्यवसायीलाई भारतीय नम्बरबाट समेत फोन र म्यासेज गरेर धम्की दिँदै आएका थिए ।
चारैजनालाई काठमाडौं जिल्ला अदालतबाट पाँच दिनको म्याद थप गरेर थप अनुसन्धान भइरहेको प्रहरीले बताएको छ ।
