श्रावण १९, प्यूठानकोरोना भाइरस कोभिड १९ बाट जोगिन मास्क लगाउनुपर्छ भन्ने सन्देश दिन प्यूठान नगरपालिका ४ टारी भौकाका स्थानीयले यात्रुलाई माक्स वितरण गरेका छन् ।
सोमबार बिहानैबाट भौका चोकमा बसेर जुम्री–बिजुवार सडक खन्डमा मास्क वितरण गर्न थालेको स्थानीय यादब भण्डारीले वताउनुभयो । उहाले कोरोनाको महामारीमा जोगिन सबैले मास्क लगाउनु पर्छ भन्ने सन्देश दिनको लागि मास्क वितरण गरेको वताउनुभयो । सोमबार बिहानभरमा झन्डै ७ सय जनालाइ वितरण गरेको भण्डारीले बताउनुभयो ।
माक्स वितरण कार्यक्रममा प्रहरीले समेत सहयोग गरेको छ । समुदाय प्रहरी साझेदारी कार्यक्रम अन्तर्गत स्थानीयसँग मिलेर यात्रुलाइ मास्क वितरणका साथै सचेतनामूलक कार्यक्रम गरेको प्रहरीले जनाएको छ । सडकमा बसेर मास्क वितरण गर्ने कार्यक्रमले कोरोना भाइरस कोभिड १९ लाइ नियन्त्रण गर्न सहयोग पुग्ने जिल्ला प्रहरी कार्यलय प्यूठानका प्रहरी प्रमुख डीएसपी नरेन्द्रकुमार कार्कीले बताउनुभयो ।
