देउखुरीकाे राप्ती गाउँपालिका वडा नं २ ले आज बुधबार सार्वजनिक सुनुवाई कार्यक्रम सम्पन्न गरेको छ । सुशासन, पारदर्शिता र जवाफदेहिताका लागि भन्ने मुल नाराका साथ गत आर्थिक वर्ष २०७६/०७७ को योजना तथा कार्यक्रमको समिक्षा गर्दै यस आर्थिक वर्ष २०७७/०७८ को योजना तथा कार्यक्रमको वडा नं २ ले सामाजिकदुरी कायम राख्दै सार्वजनिक सुनुवाई कार्यक्रममा सार्वजनिकरण गरेको हो । सार्वजनिक सुनुवाई कार्यक्रममा गत वर्षका सम्पूर्ण योजनाको रकम, कार्य प्रगति, हुन नसकेको कामका कारण, कोभिड १९ को प्रभाव तथा वडाबाट खर्च भएको विवरण लगायतका विषयमामा वडा अध्यक्ष जगतबहादुर थापाले उपस्थीत सेवाग्राही तथा सरेकारवालाहरुलाई जानकारी गराएका थिए ।
कार्यक्रममा वडा कार्यालयले प्रदान गरेका सेवा आर्थिक बर्ष २०७६/०७७ मा सम्पादन भएका कामहरुको वारेमा जानकारी गरिएको छ । गत वर्षमा वडाले नागरिकता तथा नागरिकताको प्रतिलिपीे सिफारिस १५१ वटा, जन्मदर्ता, मृत्युदर्ता, बसाइसराई दर्ता, विवाह दर्ता, सम्बन्ध विच्छेद दर्ता, अन्य सिफारिसहरु, लिखत प्रमाणित तथा सामाजिक सुरक्षा भत्ता प्राप्त गर्ने लाभग्राहीको नाम नविकरण गरिएको संख्या जानकारी गरिएको थियो ।
गाउँपालिकाको कृषि तथा पशुसेवा शाखाका कार्यक्रम, मुख्यमन्त्री ग्रामिण बिकास कार्यक्रम लगायतका कार्यक्रम कार्यान्वयनमा सहजीकरण गरिएको समेत जानकारी गरिएको थियो । वडाध्यक्ष जगतबहादुर थापाको अध्यक्षता तथा प्रदेश नं ५ का प्रदेशसभा सदस्य सांसद ईन्द्रजित थारुको प्रमुख आथित्यता तथा राप्ती गाउँपालिका अध्यक्ष नुमानन्द सुवेदी र उपाध्यक्ष जगदम्वाकुमारी चौधरीको विशिष्ट आथित्यतामा भएको समिक्षा, सार्वजनिकरण र सार्वजनिक सुनुवाई कार्यक्रममा गत वर्षको योजना तथा कार्यक्रमका वारेमा बुदागत रुपमा जानकरी गरिएको थियाृ ।
गत आर्थिक वर्षमा भूमि कर मालपोत वाट ३ लाख ६ हजार २ सय ५४ रुपैया र गैर कर नगदी वाट ४ लाख ६४ हजार १ सय ७० रुपैया आम्दानि भएको समेत जानकारी गरिएको छ । आर्थिक वर्ष २०७६। ७७ का योजना तथा कार्यक्रमहरुको समिक्षा गर्दै कार्यक्रममा पशु वद्धाश्रममा पशु आहारा कार्यक्रम, २ नं. वडामा स्वास्थ्य शिविर, क्षमता अभिवृद्धि तालिम, खेलकुद कार्यक्रम संचालन, दृष्टिबिहिन छात्रछात्राहरुलाई सांकेतिक
सामग्री खरिद तथा वितरण, बाउन्नेपाटामा कटाई सिलाई, स्यानीघोष होम स्टे व्यवस्थापन, २ नं. वडाको निगरानी समूह वैठक तथा खर्च, २ नं वडामा बालविकास केन्द्रहरुमा भित्ते लेखन, एकतानगर तिनकुने चोक उत्तर तर्फ माटो पाट्ने र ग्रेवल गर्ने, कठाहा गोइन्द्री कुलोमा कल्भर्ट तथा सडक निर्माण, कठाहा बिच गल्ली ग्रेवल, बाउन्नेपाटामा ह्युमपाईप जडान कार्य, मौवा बुटे टोेल, बुटेनी टोल, माउते टोल, बीच गल्ली नयां
ट्रयाक खोलेको बाटोमा ग्रेवल, रामनगर हाईवे कटेशनाला बराखुटी कुलो सम्म सडक स्तरोन्नती, स्यानीघोष बगासोती सडक मर्मत, हर्षेडांडा खुरुरीया बाटो स्तरोन्नती, विद्युत पोल खरिद तथा जडान, बराखुट्टी अधरो नाला निर्माण, २ नं. वडाको वडा कार्यालय भवन निर्माण, अधुरो महिला भवन निर्माण, कठाहा चौतारी मर्मत, कालिका चोक डुवान क्षेत्र व्यवस्थापन, पुन्यपुर बाटो, निर्माण, पशु वृद्धाश्रमको गोठ व्यवस्थापन, पशु वृद्धाश्रमको पर्खाल निर्माण, वृहत खा.पाको भवनमा सेड निर्माण, मुक्त कमैया सार्वजनिक भवन निर्माण लगायत ४६ योजना तथा कार्यक्रमका विषयमा छलफल समेत गरिएको छ । सार्वजनिक कार्यक्रमकाे सहजीकरण गाउँपालिकाका प्रेस संयाेजक तिर्थराज ज्ञवालीले गरेका थिए भने कार्यक्रमकाे सञ्चालन वडा नम्बर २ की वडासचिव सीता भण्डारीले गरेकी थिइन् ।
राप्ती २ काे सार्वजनिक सुनुवाई सम्पन्न
सन्ताेषकुमार गुप्ता३ भाद्र, प्यूठान
३ भाद्र, प्यूठानअराजक क्रियाकलापलाई मौलाउन दिन्नँ: प्रधानमन्त्री
प्रधानमन्त्री केपी शर्मा ओलीले विभिन्न नाममा नेपाली मनलाई विभाजित गर्ने र अराजकता तथा साम्प्रदायिक विद्वेष...
संसदीय समितिको इतिहासकै नयाँ मानक स्थापित: सूर्य थापा
प्रतिनिधि सभा सदस्य एवं सहकारी संस्था बचत रकम दुरुपयोग सम्बन्धमा संसदीय छानबिन विशेष समितिका सभापति...
आज को राशिफल: २०८१ कार्तिक १३ मंगलवार
मेष आज विशेषगरी अतिथिको रूपमा सत्कार पाइएला । आफन्तले आश्वासन र सहयोग गर्नेछन् । व्यवसायको...
ऐरावतीकी १३ वर्षीय बालिका पवित्रा परियारको उपचार खर्च जुटाउन कठिनाइ
अरिङ्गालले लखेट्दा लडेर खुट्टा भाँचिएकी ऐरावतकी गाउँपालिका ३ अर्जामकी १३ वर्षीय बालिका पवित्रा परियारको उपचार...
- दसैँपछि काठमाण्डौ फर्कन २० प्रतिशत छुटमा स्वर्गद्वारीको टिकट बुकिङ खुला
- झुलेनी पोष्ट ‘क’ वर्गमा वर्गीकृत
- जिल्ला प्रहरी कार्यालय प्यूठानमा पत्रकार भेटघाट कार्यक्रम सम्पन्न
- ५ लाखभन्दा माथिका योजना ठेक्का मार्फत गराउने लुम्बिनी सरकारको निर्णयविरुद्ध अदालतमा रिट दर्ता
- विश्व दृष्टि दिबसमा ४९ जनाको आँखा जाँच
- वित्तिय क्षेत्रले जनतालाई दुःख दिएको नेकपा बहुमतको आरोप
- अनेरास्ववियु प्यूठान नगर कमिटीको प्रथम सम्मेलन सम्पन्न
- लायन्सद्वारा डायलाईसिस मेसिनका लागि १ करोड ३० लाख हस्तान्तरण
- ५ लाख माथिका योजना ठेक्का मार्फत गराउने निर्णयबारे अदालतद्वारा कारण देखाउ आदेश
- मौसममा पुन: बदली, हल्का र मध्यम वर्षाको संभावना