२०७८ साउन १९प्यूठान । सडक सुधार तथा विकास आयोजना मार्फत निर्माण हुने भनिएको बाग्दुला-भिमगिठे सडक प्यूठानी जनताको लागि हात्तिआयो-हात्तिआयो फूर्सा भएको छ । यो सडकस“गै ठेक्का भएका लमहीघोराहि तुल्सिपुर,चडौटाकृष्णनगर सडक काम सम्पन्न हु“दा प्यूठानमा काम अझै थालिएको छैन् । जिल्लाका नेताहरुले काम सुरु हुने भनेर प्रचार गर्न थालेको चार वर्ष भएपनि काम अझै सुरु नहुँदा प्यूठान जनता निराश छन् ।
यस क्षेत्रका स्थानीय बर्खामा हिलो र हिउ“दमा धुलोले हैरान व्यहोर्न परेको छ । सडक निर्माण हुने भनेर नेताले हल्लाखल्ला गरेपनि योजनाको काम सुरु नहुँदा जनता निराश भएको प्यूठान उदद्योग बाणिज्य संघ प्यूठानका महासचिब भक्तु गिरीले बताए । उनले सडक निर्माणले उत्तरीपूर्वी प्यूठानको मुहार फेर्ने आसा गरीएको बताए । वर्षौ पहिले खुलेको बाग्दुलामच्छिठूलाबेसी सडक यसै क्षेत्रमा पर्छ ।
सडक सुधार विकास आयोजना मार्फत बजेट परेपछि स्थानीय तह, प्रदेश सरकाले समेत सडकमा बजेट बिनियोजन नगर्दा सडक जिणर् हु“दै गएको उनले बताए । एक्जिम बैंक’ मार्फत भारत सरकारको ऋण सहयोगमा प्यूठानको बाग्दुला देखि बाग्लुङको भिमगिठेसम्म ७३ दशमलभ ६ किलोमिटर दूरी कालोपत्रे गर्ने भनिएको थियो । २ करोड ६ लाख ७ हजार ५ सय ६५ रुपैया“ अमेरीकी डलर लागतमा योजना निर्माण हुन भनिएको सडक आयोजना लमहीका प्रमुख पारशमणी हमालले बताए ।
डिजाइन स्टिमेट सकेर निर्माणको प्रक्रियाका लागि टेन्डर भएर ठेक्का भएको सडक ठेकेदार कम्पनी कालो सूचीमा परेकाले पहिले रोकीएको पूनःस्टीमेट गरेर अर्को ठेक्का गर्ने प्रक्रियामा रहेको उनले झुलेनी पोष्टलाइ बताए । हाल ट्याक खोलिएको सडकलाई ९ मिटर चौडा बनाएर ७ मिटर कालोपत्रे गरिने भनिएको छ । २०४२ सालमा बाग्दुलादेखि मच्छिसम्म ट्याक खोलिएको सडक हाल गौमुख २ अर्खासम्म खुलेको छ । सडकको सन २०१६ मा डिटेल सर्बे गरिएको थियो ।
सडक निर्माण भएपछि सडक क्षेत्रका १० हजार ९ सय १० घरधुरीका ५१ हजार ९ सय जनाले प्रत्यक्ष फाइदा लिने भनिएको छ । सडक निर्माणमा भएको ढिलाइबारे पटक पटक सडक आयोजना कार्यलयमा ताकेता गरेको गौमुखी गाउ“पालिकाका अध्यक्ष विष्णुकुमार गिरीले बताए । यो सडक निर्माण पूरा भए प्यूठान, रोल्पा, गुल्मी,अर्घाखा“ची,बाग्लुङका जनतालाई केन्द्रीय राजधानी काठमाडौं जाले बैकल्पिक मार्ग समेत हुने छ ।
म्याग्दी, बाग्लुङ क्षेत्रका स्थानीयलाई पूर्व-पश्चिम राजमार्ग भेटएर पश्चिम यात्रा गर्न सहज हुन्छ । सडक निर्माण भएपछि यस क्षेत्रको समग्र आर्थिक विकासले फड्को मार्ने प्यूठानीले आशा गरेका छन् ।
