यहाँका एक युवकले वुवाको मुख हेर्ने दिनमा २० लाख वरावरको जीवन बिमा गरेका छन । प्यूठान नगरपालिका ४ जुम्रि निवासि बिर बिक्रम रानाले वुवा बिर बहादुर रानाको नाममा म‌ंगलवार आइएमइ लाइफ इन्स्युरेन्स विजुवारमा जीवन बिमा गरेका हुन् ।

बीमाले व्यक्तिलाई आफ्नो जीवन र सम्पत्तिबारे भविष्यमा हुनसक्ने जोखिमहरूको कारण उब्जिएको समस्याबाट राहत हुने गरी क्षतिपूर्ति दिने भएकाले वुवाको नाममा बिमा गरेको रानाले बताए ।

बैंकमा जम्मा गरिएको रकमलाई सानोतिनो काम पर्दा निकाल्न सकिने भएकाले बीमा कम्पनीमा जम्मा गरेको रकम अवधि पूरा नहुन्जेलसम्म झिक्न नपाइने भएको हुँदा वुवाको मुख हेर्ने दिन पारेर रानाले बिमा गरेका हुन् ।

बिमा गर्दा जम्मा भएको रकम बचत भइरहनुका साथै बोनशको रूपमा ब्याज समेत बढिरहने हुँदा आफू बिमा गर्न प्रोत्साहित भएको बताउँदै राना अभिकर्ता समेत बनेका छन् ।