जिल्लामा प्युठान जिल्ला क्रिकेट संघ तदर्थ समिति गठन भएको छ । जुम्रिमा एक कार्यक्रमको आयोजना गरी तेजबहादुर पुनको अध्क्षतामा तदर्थ समिति गठन भएको हो । ११ सदस्यिय सघको उपाध्यक्ष सन्दीप श्रेष्ठ,  सचिव जीवन खनाल र कोषाअध्क्ष आशिष श्रेष्ठ चयन भएका छन् । सदस्यहरुमा महेन्द्र वि.क., उमेश घर्तिमगर, मिलन राना, गणेश गिरी, किरण बुढामगर, हुकुम परियार र अमित थापा मगर छन् ।

जिल्ला क्रिकेट संघ तदर्थ समिति गठन भएसँगै नेपाल क्रिकेट संघ (क्यान) को जिल्ला सदस्यता प्राप्तिको लागि प्यूठानलाई पनि बाटो खुलेको नवगठित संघका अध्यक्ष पुनले जानकारी दिए । यो समितिको प्रमुख उदेश्य क्यानबाट पूर्ण सदस्यता मान्यता पाउनका लागि हरतरह कार्य गर्ने उनले बताए । संघमा प्यूठान जिल्ला नहुँदा क्रिकेट खेल पछाडी परेको उनको भनाइ छ ।

जिल्ला खेलकुद विकास समितिका अध्यक्ष श्याम बहादुर थापाको अध्यक्षतामा कार्यक्रम सम्पन्न भएको हो । कार्यक्रम आयोजना गर्न पत्रकार टु आर क्षेत्रीले समन्वय गरेका थिए ।