२०७८ पुस १०नेपाल कम्युनिष्ट पार्टी निकट पेशागत संगठन अखिल नेपाल शिक्षक संगठन प्युठानकाे पाँचौ जिल्ला सम्मेलन आज सम्पन्न भएको छ ।
शनिवार सम्पन्न सम्मेलनलाई सम्बाेधन गर्दै कार्यक्रमका प्रमुख अतिथि तथा अखिल नेपाल शिक्षक संगठनका केन्द्रिय बरिस्ठ उपाध्यक्ष लक्षिराम ढकालले नेपालकाे माटाे सुहाउँदो, प्राविधिक, व्यवहारिक तथा वैज्ञानिक र निशुल्क शिक्षा प्रणाली आजकाे अनिवार्य आवश्यकता रहेकाे बताएका छन् । उनले राज्यसत्ताको आधार परिवर्तन नगरी उपरी संरचना परिवर्तन हुदैन, राज्यसत्ताको आधार र उपरी संरचनामा परिवर्तन नगरेसम्म शिक्षामा आमुल परिवर्तन सम्भव नरहेकाे बताएका छन् । शिक्षालाई निजिकरण र व्यापारीकरण नगरी राज्यकाे दायित्व र जनताकाे अधिकारकाे रुपमा हुनुपर्ने कुरामा उनले जाेड दिए । कार्यक्रममा नेपाल कम्युनिस्ट पार्टीका केन्द्रीय सदस्य तथा प्युठान जिल्ला इन्चार्ज दल बहादुर के.सी.(जागृति)ले वर्तमान शिक्षा प्रणाली हुदाखानेकाे नभई हुनेखानेकाे पक्षमा रहेकाेले शिक्षामा आमुल परिवर्तन आवश्यक रहेकाे बताए ।
कार्यक्रममा संगठनका केन्द्रिय सचिवालय सदस्य तथा लुम्बिनी प्रदेश अध्यक्ष नारायण भण्डारीले वर्तमान समयमा सरकारलेनै शिक्षकलाई विभेद गरेकाे बताएका छन् ।
कार्यक्रममा नेकपा प्युठानका पुर्व इन्चार्ज सुर्यप्रकाश, संगठनका केन्द्रीय सदस्य तथा राेल्पा, प्युठानका इन्चार्ज बिरवल वली, र गुल्मी, अर्घाखाँची इन्चार्ज लक्ष्मण वली, अखिल क्रान्तिकारीका केन्द्रिय सदस्य प्रदिप कवर लगायतले सम्मेलन सफलताको शुभकामना मन्तव्य राखेकाे थिए ।
सम्मेलन ले शिव बहादुर थापाकाे अध्यक्षतामा ४ जना पछि थप्नेगरी १७ सदस्यीय अखिल नेपाल शिक्षक संगठन जिल्ला समिति प्युठान निर्वाचित गरेकाे छ । जस्काे उपाध्यक्षमा एगम सुनार, महिला उपाध्यक्ष टीका गिरी (शुसिला), सचिव बाेम बहादुर राँहु, सह सचिव एलिना सेन र मदन अधिकारी, काेषाध्यक्ष अमृत सुनार चयन भएका छन् । सदस्यहरुमा कमला घर्ती, मुम बहादुर पुन, मान बहादुर के. सी. सञ्जय अधिकारी रहेका छन् ।
एगम सुनारको स्वागत मन्तव्यबाट सुरु भएको कार्यक्रमकाे संचालन बाेम ब राँहुले गरेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
