News Portal

रेडियो सुन्नुहोस्

कृषि यान्त्रिकरण मर्मत सम्भार एवं संचालन सम्बन्धी तालिमले कृषक उत्साहित

तेजेन्द्र बि. एम.२०७८ चैत १६ प्यूठान
८०५ पटक
२०७८ चैत १६ प्यूठान

प्रधानमन्त्री कृषि आधुनिकीकरण परियोजना, परियोजना कार्यान्वयन इकाई, प्युठानले संचालन गरेको कृषि यान्त्रिकरण मर्मत, सम्भार एवं संचालन सम्बन्धी ३ दिने तालिम सप्पन्न भएको छ । तालिममा सहभागी कृषकहरु सीप सिक्न पाएकोमा उत्साहित भएका छन् ।

चैत १३ गतेदेखि संचालन गरिएको तालिम आज मङ्गलबार समापन गरिएको हो । तालिममा जिल्लामा उपयुक्त कृषि मेसिनरी यन्त्रहरु प्रयोग गर्दै आएका प्युठान नगरपालिका, स्वर्गद्वारी नगरपालिका, ऐरावती गाउँपालिका, मल्लरानी गाउँपालिका, झिमरुक गाउँपालिका र माण्डवी गाउँपालिकाका कृषकहरुको सहभागीता थियो । तालिममा मुख्य प्रशिक्षकको रुपमा चितवनका लेखनाथ सुवेदी र सहायक प्रशिक्षककको रुपमा प्युठान नगरपालिका १० का राम बहादुर के. सी. रहेका थिए ।

समापन सत्रको को कार्यक्रममा बोल्दै प्रशिक्षक सुवेदीले तालिममा सहभागी कृषकहरुले अत्यन्तै चासो दिएर सिकेको कुरामा खुसी व्यक्त गर्दै अब यो सीपलाई व्यवहारमा उतार्न आग्रह समेत गरेका थिए । ’तपाइहरुले बनाउन नसक्ने खालको कुनैपनी मेसिनरी समस्याहरु भए मलाई सम्झिनुस सधै तपाईहरुको साथमा रहने छु,’ उनले भने । यस्तै धान जोन संचालन समिति संयोजक श्याम थापाले नेपाल कृषि प्रधान देश भएकोले कृषकहरुले नै कृषिलाई आधुनिकीकरण गर्न आवाज उठाउन, उत्पादन बढाउन र बाहिर बाट आउने रसायनजन्य उत्पादनमा कमि ल्याउन पनि कृषकहरुले मेहनत गर्नुपर्ने बताएका छन् ।

तालीममा प्रशिक्षार्थीका रुपमा रहेका बिपना भण्डारीले आफैले ट्याक्टरले खेत जोतेको थिए अब बनाउन सक्ने भए भनेर खुशी व्यक्त गर्दै यो तालिम फलदायी भएको बताएका छन् । पहिले पुरुषहरुले मात्र यस्तो काम गरेको देखिन्थ्यो त्यही पनि चितवन, नेपालगन्ज गएर तालिम लिएर तर अहिले जिल्लामा यो तालिम संचालन हुदा मैले सम्म अवसर पाए अब यसलाई व्यवहारिक रुपमा काम गरेर देखाउछु,’ उनले भने ।

कार्यक्रमको समापन गर्दै कृषि अधिकृत चुमान सिंह गिरिले बजेत कम भएकाले ३ दिने तालिम संचालन गरेको र यहाँका कृषकहरुले यो तालिमबाट आधारभूत कुराहरु सिकेको हुनाले आगामी वर्षहरुमा अझै धेरैदिनको तालिम संचालन गर्ने बताएका छन् । साथै यो तालिमले कृषकहरुमा थप उत्साह र हौसला मिलेको बताउदै कार्यालय र आफू सदैव कृषकहरुकै साथमा रहने समेत बताएका छन् ।

सहभागी २२ जना कृषकहरुलाई प्रमाणपत्र र एक–एक वटा पिलास समेत दिइएको थियो । समापन कार्यक्रमको प्रमुख अतिथी जिल्ला समन्वय समिति, प्युठानका प्रमुख केशवराज आचार्य रहनुभएको थियो । परियोजना इकाई प्युठानका प्रमुख चुमान सिंह गिरिको अध्यक्षतामा भएको कार्यक्रमको संचालन भने बिपिन खड्काले गरेका थिए ।

प्रतिकृया दिनुहोस्

गठबन्धन पछि नवनियुक्त ३ मन्त्रीले लिए शपथ

नवनियुक्त ३ जना मन्त्रीले सोमबार पद तथा गोपनीयताको शपथ लिएका छन् । नेकपा माओवादी केन्द्रबाट...

नयाँ गठबन्धनमा मन्त्रालय र सिट बाँडफाँटको टुङ्गो लगाउन चार सदस्यीय कार्यदल बन्यो

नयाँ गठबन्धनले मन्त्रालय र सिट बाँडफाँटको टुङ्गो लगाउन चार सदस्यीय कार्यदल बनाएको छ । जसमा...

सरुमारानीमा मुल्यांकन कार्यविधिहरुको अभिमुखिकरण कार्यक्रम सुरु

सरुमारानी गाउँपालिकामा स्थानीय तहमा लागु भएका विभिन्न मुल्यांकन कार्यविधिहरुको अभिमुखिकरण कार्यक्रम सुरु भएको छ ।...

तरकारी खेतीमा रमाउँदै शारदा

प्युठान नगरपालिका ४ ढाँडखोलाकी शारदा सापकोटाले कृषि खेती गर्न थालेको करिब ३ बर्ष भयो ।...

व्यवसाय प्रवद्र्धन, नेतृत्व विकास र उत्पे्ररणा सम्बन्धी २ दिने तालिम जुम्रीमा सुरु

व्यवसाय प्रवद्र्धन, नेतृत्व विकास र उत्पे्ररणा सम्बन्धी २ दिने तालिम प्यूठानमा सुरु भएको छ ।...