झुलेनी पोष्ट२०७८ चैत २३ प्यूठान
२०७८ चैत २३ प्यूठान स्वर्गद्धारी नगरपालिका–८, बर्जीबाङको जंगलबाट लागेको आगो प्यूठान नगरपालिका–२, स्थित ढाँडको बस्ती नजिक आउन थालेको भन्दै स्थानीय बासीन्दा त्रसीत भएका छन् । हिजो बेलुकादेखि जंगलमा लागेको आगो अझै नियन्त्रणमा आएको छैन ।
ढाँड बस्तीका १५, १६ घरलाइ खतरा रहेको स्थानीयले बताएका छन् । आगो नियन्त्रणमा लिनको लागि प्रहरीलाइ खबर गरेको प्यूठान नगरपालिका–२, का वडाध्यक्ष मुक्ति पोख्रेलले जानकारी दिए ।
जिल्ला प्रहरी कार्यालय प्यूठानका प्रहरी प्रमुख सत्यनारायण थापाले दाखाँक्वाडीबाट प्रहरी आगो लागेको स्थानमा पुगेर स्थानीयसंगै आगो नियन्त्रणमा दिने प्रयास गरीरहेको बताए ।
