सुत्केरी ब्यथा लागेर नौबहिनी गाउपालिका ७ फोप्ली गोगनपानीकी २५ वर्षिय महिला बेलि खड्कालाई शुक्रबार राती १० बजेको समयमा प्युठान अस्पतालमा ल्याईयो ।
उनलाई धेरै रक्तस्राव भएको थियो । असहाय मात्रामा दुखाई भएपछी उनले डाक्टरलाई शल्यक्रिया गर्न आफै आग्रह गरेकी थिईन ।
प्युठान अस्पतालका डाक्टर सन्तोस केसिले सनिबार बिहान ९ बजेको समयमा सल्यक्रियाद्वारा बेलिको बच्चा बाहिर निकाले ।
सल्यक्रिया सफल भयो तर बच्चाको मुटुको चाल सुनिएन । उता बेलिले बच्चा रोएको आवाज नसुनेपछी बच्चा जिबित नरहेको र माया समेत मारेकी थिईन ।
बेलिको सल्यक्रियामा खटिएका डाक्टर सन्तोस केसिले बच्चाको अबस्था गम्भीर देखेपछि तुरुन्त प्युठान अस्पतालका बालरोग बिशेषज्ञ डाक्टर सौरभ श्रेष्ठलाई खबर गरे ।
एकछिनको अथक प्रयासबाट जन्मिएको १५ मिनेट भित्रै बच्चाको मुटुको चाल ल्याउन सफल भएको बालरोग बिशेषज्ञ डाक्टर सौरभ श्रेष्ठले बताए ।
बच्चा रुन थाल्यो मुटुको चाल पनि आयो । डाक्टर नर्सिङ कर्मचारी सबै खुसी भए । नबजात शिशु को आमा बेलि खड्काले खुसी हुँदै गुमाएको बच्चालाई बचाई दिनुभएको भन्दै डाक्टरहरुलाई धन्यवाद दिईन ।
बेलिको यो दोस्रो बच्चा थियो । पहिलो बच्चा खेरा गएको उनले बताईन । अहिले बेलि उनका श्रीमान र सबै परिवार खुसी साथ प्युठान अस्पतालमा छन ।
पछिल्लो समय जिल्लामा बिशेषज्ञ सहितको सेवा सुचारु भएपछी अस्पतालमा आएका बिरामिहरु बाहिर रिफर हुने दर घट्दै गएको छ । जसले गर्दा नबजात शिशु र सुत्केरी आमाले अकालमै ज्यान गुमाउनु पर्ने बाध्यता हटेको स्थानीयहरुले बताएका छन ।