वैशाख १७,प्यूठान — बैशाख ३० गते हुने स्थानीय तहको निवार्चनका लागि उमेद्वारी दिएका उमेद्वारहरको अन्तीम नामावली सार्वजनिक गरिएको छ । िविभन्न पदमा ९ सय २१ जनाको नामावली सार्वजनिक भएको हाे
निर्वाचन कार्यालय प्यूठानले उम्मेदवारहरुको अन्तिम नामावली शनिवार प्रकाशन गरेको छ आयोगका अनुसार नौ स्थानिय तहको प्रमुखका लागि ४१ जना चुनावी मैदानमा उत्रिएको जिल्ला निर्वाचन कार्यालय प्यूठानका प्रमुख राजन श्रीवास्तवले जानकारी दिए । । प्रमुख वा उध्यक्षका लागि प्यूठान नगरपालिकामा ४ स्वर्गद्वारी नगरपालिकामा ६, झिमरुक गाउँपालिकामा ५ र नौबहिनी गाउँपालिकामा ४ जनाको अन्तिम नामावली प्रकाशन गरिएको श्रीवास्तवले बताए ।
गौमुखी गाउँपालिकामा ६, सरुमारानी गाउँपालिकामा ४, ऐरावती गाउँपालिकामा ३, मल्लरानी गाउँपालिकामा र्२ र माण्डवी गाउँपालिकामा ७ जनाले प्रतिस्पर्धा गर्ने छन् । उपप्रमुख तथा उपाध्यक्षका लागि नौ स्थानीय तहमा २८ जनाको नामावली प्रकाशन गरिएको छ । ३१ जनाले मनोनयन दर्ता गराएको भएपनि तीन जनाले भने हिजो उम्मेदवारी फिर्ता लिएका थिए । ४५ जनाले प्रमुखमा उम्मेदवारी दर्ता गराएकोमा चार जनाले उम्मेदवारी फिर्ता गराएका छन् ।
त्यस्तै १सय ९८ जनाले ६४ वडाका लागि प्रतिस्पर्धा गर्दै छन् । २सय २२ जनाले उम्मेदवारी दर्ता भएता पनि २५ जनाले आफ्नो उम्मेदवारी फिर्ता गराएको श्रीवास्तवले बताए ।
प्यूठान नगरपालिकामा सबै पदका लागि १सय ४८, स्वर्गद्वारी नगरपालिकामा १सय ११, नौबहिनी गाउँपालिकामा १सय १२, झिमरुक गाउँपालिकामा १सय ९, गौमुखी गाउँपालिकामा १सय ३१, सरुमारानी गाउँपालिकामा ६७, ऐरावती १सय १, मल्लरानी ७५ र माण्डवी गाउँपालिकामा ६७ जनाको अन्तिम नामावली प्रकाशन गरिएको छ । नामावली प्रकाशन संगै दलहरुहले चुनावी अभियान गाउँ गाउँमा पु¥याएका छन ।
